Jabur 34:1-22
Jabur karangan Daud, waktu manéhna api-api gélo di hareupeun Abimélékh, nu ngusir manéhna, tuluy Daud indit.
א [Alef]
34 Abdi bakal muji Yéhuwa saban waktu,Abdi moal eureun muji Anjeunna.
ב [Bet]
2 Abdi bakal ngagulkeun Yéhuwa.
Jalma nu lemah lembut bakal ngadéngé jeung atoh.
ג [Gimel]
3 Agungkeun Yéhuwa bareng jeung abdi,Hayu urang mulyakeun nami-Na babarengan.
ד [Dalet]
4 Abdi ngadoa ka Yéhuwa, seug dijawab ku Anjeunna.
Anjeunna ngabébaskeun abdi tina sagala kasieun.
ה [He]
5 Jalma nu percaya ka Anjeunna rarayna marahmay.
Manéhna moal bakal nandangan kaéra.
ז [Zayin]
6 Jalma leutik ieu sasambat, ku Yéhuwa didangukeun.
Anjeunna ngabébaskeun manéhna tina sagala kasusahna.
ח [Het]
7 Malaikat Yéhuwa ngajaga* di sakurilingeun jalma nu hormat ka AnjeunnaSarta nyalametkeun maranéhna.
ט [Tet]
8 Pék rarasakeun jeung tingali Yéhuwa téh bageur.
Bagja jalma nu nyalindung ka Anjeunna.
י [Yod]
9 Hé sakabéh umat-Na, sing hormat ka Yéhuwa,Sabab nu hormat ka Anjeunna moal kakurangan nanaon.
כ [Kaf]
10 Singa-singa ngora nu kuat* gé bisa kalaparan,Tapi jalma nu ngalalayanan Yéhuwa moal kakurangan naon-naon nu hadé.
ל [Lamed]
11 Ka darieu barudak, déngékeun kuring.
Kuring rék ngajarkeun naon hartina hormat* ka Yéhuwa.
מ [Mem]
12 Maranéh hayang teu hirup senang?
Hayang teu panjang umur jeung bagja?
נ [Nun]
13 Lamun hayang, jaga létah, ulah ngomong goréng.
Jaga biwir, ulah nipu.
ס [Samekh]
14 Jauhan nu jahat, lampahkeun nu hadé.
Sing akur jeung batur sarta upayakeun karukunan ku sakuat tanaga.
ע [Ayin]
15 Soca Yéhuwa merhatikeun jalma bener,Sarta cepilna ngadangukeun panyambat maranéhna ménta tulung.
פ [Pe]
16 Tapi Yéhuwa teu resep ka jalma nu kalakuanana goréng.
Maranéhna moal diinget-inget deui di bumi.
צ [Tsade]
17 Lamun jalma bener sasambat, ku Yéhuwa didangukeun.
Anjeunna ngabébaskeun maranéhna tina sagala kasusahna.
ק [Qof]
18 Yéhuwa raket ka jalma nu remuk haté.
Anjeunna nyalametkeun jalma nu pegat harepan.*
ר [Res]
19 Jalma bener téh loba kasusahna,*Tapi Yéhuwa ngajait* manéhna tina sakabéh kasusahna.
ש [Syin]
20 Anjeunna ngajaga tulang-tulang manéhna,Hiji gé euweuh nu dipotongkeun.
ת [Taw]
21 Jalma jahat bakal maot ku musibat.
Jalma nu ijid ka jalma bener bakal dianggap salah, tuluy dihukum.
22 Yéhuwa nebus nyawa hamba-hamba-Na.
Moal aya jalma nu nyalindung ka Anjeunna nu dianggap salah.
Catetan Tambihan
^ As. ”masang kémah”.
^ Atawa ”nu jabrig”.
^ As. ”sieun”.
^ Atawa ”leutik haté”.
^ Atawa ”musibatna”.
^ Atawa ”ngangkat”.
