Jabur 46:1-11
Keur pamingpin musik. Jabur karangan turunan Korah. Maké gaya Alamot.* Lagu.
46 Allah téh panyalindungan jeung kakuatan urang,Nu siap nulungan dina mangsa kasusah.
2 Éta sababna urang moal bakal sieun sanajan bumi eundeur,Sanajan gunung-gunung rugrug jeung tilelep ka dasar laut,
3 Sanajan laut motah jeung ngabudah,Sarta gunung-gunung cadas oyag ku ombakna. (Sela)
4 Aya walungan nu aliran-aliranana ngabungahkeun kota Allah,Tabernakel suci jeung agung milik Nu Maha Agung.
5 Allah aya di éta kota, matakna éta kota moal bisa ditalukkeun.
Allah bakal nulungan kota éta waktu panonpoé medal.
6 Bangsa-bangsa geunjleung, karajaan-karajaan digulingkeun.
Waktu sora Anjeunna ngagulugur, bumi oyag.
7 Yéhuwa pangawasa pasukan sorga nyarengan urang.
Allahna Yakub téh tempat nyalindung* nu aman keur urang. (Sela)
8 Hayu saksian naon nu dipidamel ku Yéhuwa,Dadamelana-Na di bumi téh matak tajub.
9 Peperangan di sakuliah bumi dieureunkeun ku Anjeunna,Busur panah dipingges-pinggeskeun sarta tumbak diancurkeun ku Anjeunna,Karéta-karéta perang* diduruk ku Anjeunna.
10 ”Maranéh kudu nyerah, Kuring téh Allah.
Kuring bakal dipunjulkeun di antara bangsa-bangsa,Kuring bakal dipunjulkeun di bumi.”
11 Yéhuwa pangawasa pasukan sorga nyarengan urang.
Allahna Yakub téh tempat nyalindung nu aman keur urang. (Sela)
Catetan Tambihan
^ Tingali Daptar Istilah.
^ Atawa ”tempat luhur”.
^ Atawa bisa jadi ”Taméng-taméng”.
