Jabur 66:1-20
Keur pamingpin musik. Lagu. Jabur.
66 Hé jalma-jalma di sakuliah bumi, pék sarurak muji Allah.
2 Kawihkeun pupujian* kanggo nami-Na nu mulya,Mulyakeun sarta puji Anjeunna.
3 Ucapkeun ka Allah, ”Padamelan Gusti téh sakitu hébatna!
Ku sabab Gusti kuat pisan,Musuh-musuh Gusti sarieuneun ka Gusti.
4 Sadaya jalmi di bumi bakal sujud ka Gusti.
Maranéhna bakal ngawihkeun pupujian kanggo Gusti,Maranéhna bakal ngawihkeun pupujian kanggo nami Gusti.” (Sela)
5 Ka darieu, tingali padamelan Allah.
Tindakana-Na demi manusa téh kacida hébatna.
6 Laut dijadikeun daratan ku Anjeunna.Jalma-jalma laleumpang mareuntasan walungan.
Di dinya abdi sadaya bungah ku karana Anjeunna.
7 Ku kawasa-Na, Anjeunna maréntah salamina.
Soca-Na terus nilik-nilik bangsa-bangsa.
Jalma-jalma nu heuras beuheung teu meunang ngagulkeun diri. (Sela)
8 Hé bangsa-bangsa, puji Allah abdi sadaya,Puji Anjeunna ku sora nu tarik.
9 Anjeunna ngajaga abdi sadaya tetep hirup.
Anjeunna teu ngantep suku abdi sadaya titajong.
10 Gusti tos mariksa abdi sadaya, nun Allah.
Lir pérak nu dimurnikeun, abdi sadaya tos dimurnikeun ku Gusti.
11 Gusti ngajiret abdi sadaya ku jaring.
Gusti masihan beban nu beurat ka* abdi sadaya.
12 Gusti ngantep sirah abdi sadaya ditincakan ku jalma-jalma.
Abdi sadaya tos ngaliwatan seuneu jeung cai,Tuluy dicandak ku Gusti ka tempat nu aman.
13 Abdi bakal lebet ka bumi Gusti bari nyandak korban beuleuman.
Abdi bakal nedunan ikrar abdi ka Gusti,
14 Nu pernah dijangjikeun ku biwir abdiSarta nu diucapkeun ku abdi waktu keur susah.
15 Abdi badé ngahaturkeun sato nu lalintuh kanggo korban beuleuman ka Gusti.
Abdi badé nyanggakeun domba jalu.
Abdi gé badé nyanggakeun sapi jalu sarta embé jalu. (Sela)
16 Ka darieu, kabéh nu hormat* ka Allah, dangukeun,Abdi rék nyaritakeun naon nu tos dilampahkeun ku Anjeunna keur abdi.
17 Abdi sasambat ménta tulung ka Anjeunna,Abdi gé ngamulyakeun Anjeunna ku létah abdi.
18 Lamun abdi nyimpen nu goréng dina haté,Yéhuwa moal ngadangukeun abdi.
19 Tapi geuning Allah ngadangukeun abdi,Anjeunna merhatikeun doa abdi.
20 Puji Allah, nu henteu nampik doa abdiAtawa nahan-nahan asih satia-Na ka abdi.
