OKTOBA 18, 2024
URUSI

“Yehova Atanithawabisha”

CHEZA

Mahakama ya Wilaya ya Vyselkovskiy iliyo katika Eneo la Krasnodar itatangaza hivi karibuni uamuzi wake katika kesi inayomhusisha Dada Vasilina Penskaya. Mwendesha-mashtaka bado hajatoa ombi la hukumu anayopendekeza.

Maelezo Mafupi Kumhusu

Vasilina Penskaya

Alizaliwa: 1997 (Vyselki)

Maisha Yake: Anafanya kazi ya kuoka

Aliwafahamu Mashahidi wa Yehova kupitia mama yake. Vasilina alithamini ushauri wa Biblia kuhusu kuchagua marafiki wazuri. Alibatizwa mwaka wa 2014

Alifunga ndoa na Dmitry mwaka wa 2018

Mama ya Vasilina, Dada Yelena Rumyantseva, anakabili mashtaka ya uhalifu katika kesi nyingine

Maelezo ya Kibinafsi

Ni nini kinachokusaidia udumishe imani yenye nguvu kwa Yehova?

Unapoteswa unaweza kuhisi ukiwa mpweke au ukahisi huna nguvu za kupambana na hali hiyo. Ninajua kwamba ikiwa nitakazia fikira hisia hizo kupita kiasi, nitavunjika moyo na nitashindwa kumtumikia Yehova kwa bidii. Lakini kuna jambo ambalo nimejionea kumhusu Yehova ambalo linanisaidia kuendelea kumtumikia. Yehova anathamini yote tunayofanya ili kumtumikia. Na ingawa si lazima afanye hivyo, yeye hutambua jitihada zangu na anathamini yote ninayofanya ili kumtumikia. Anasikiliza sala zangu na kwa njia ya mfano anafuta machozi yangu kupitia faraja ninayopata katika Neno lake. Ninapohisi woga, yeye hunilinda na kunitegemeza kupitia ndugu na dada ulimwenguni pote. Na ninapohitaji ujasiri wa kutetea jina lake, yeye hunipa nguvu. Ukweli ni kwamba, watumishi wengi wa Yehova hukabili mateso, iwe ni shuleni, kazini, au hata nyumbani. Nina hakika kwamba Yehova atanithawabisha na pia atawathawabisha wote wanaodumisha ushikamanifu wao.

Tunafurahi kujua kwamba Yehova anaona mateso ambayo watumishi wake wote wanakabili na anawahakikishia kwamba ‘watapata thawabu kwa ajili ya kazi yao.’—Yeremia 31:16.

Mfuatano wa Matukio

Februari 13, 2022

Nyumba ilifanyiwa msako
Mei 23, 2023

Kesi ya uhalifu ilifunguliwa. Alishtakiwa kwa kuzungumzia Biblia na kushiriki katika mikutano ya kidini ya Mashahidi wa Yehova. Akaunti za Benki zilizuiliwa
Julai 18, 2023

Aliwekewa vizuizi vya kusafiri
Januari 31, 2024

Kesi ya uhalifu ilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI