Ni Nani Ambao Majina yao Yameandikwa Katika “Kitabu cha Uzima”?
Jibu la Biblia
“Kitabu cha uzima,” pia huitwa “kitabu cha kukunjwa cha uzima” au “kitabu cha kumbukumbu,” kina majina ya watu ambao watapata zawadi ya uzima wa milele. (Ufunuo 3:5; 20:12; Malaki 3:16) Mungu anaamua majina hayo kwa kutegemea imani na ushikamanifu wao kwake.—Yohana 3:16; 1 Yohana 5:3.
Mungu amewaweka katika kumbukumbu watumishi wake waaminifu, kana kwamba anaandika majina yao kwenye kitabu, “tangu kuwekwa kwa msingi wa ulimwengu” wa wanadamu. (Ufunuo 17:8) Inaonekana kwamba jina la mwanamume mwaminifu Abeli, lilikuwa la kwanza kuandikwa katika kitabu hicho cha uzima. (Waebrania 11:4) Kitabu hicho si orodha tu ya majina, badala yake kinaonyesha kwamba Yehova ni Mungu mwenye upendo ambaye “anawajua walio wake.”—2 Timotheo 2:19; 1 Yohana 4:8.
Je, majina yanaweza kufutwa kutoka katika “kitabu cha uzima”?
Ndiyo. Mungu alisema hivi kuhusu Israeli la kale “Yeyote ambaye amenitendea dhambi, nitamfutilia mbali kutoka katika kitabu changu.” (Kutoka 32:33) Lakini ikiwa tutaendelea kuwa waaminifu, majina yetu yatabaki kwenye “kitabu cha kukunjwa cha uzima.”—Ufunuo 20:12.
Huenda Ukapenda Pia
MAJIBU YA MASWALI YA BIBLIA
Unapaswa Kufanya Nini Ili Uishi Milele?
Biblia inaahidi kwamba wale wanaofanya mapenzi ya Mungu wanaweza kuishi milele. Fikiria mambo matatu ambayo anataka tufanye.
MISTARI YA BIBLIA YAFAFANULIWA
Yohana 3:16 Yafafanuliwa—“Kwa Maana, Mungu Aliupenda Ulimwengu”
Yehova Mungu alionyeshaje kwamba anatupenda kila mmoja wetu na anataka tuishi milele?
MNARA WA MLINZI
Tumaini kwa Wafu—Unawezaje Kuwa na Uhakika?
Biblia inatoa sababu mbili za msingi zinazotusaidia kuamini kwamba kutakuwa na ufufuo.
MAJIBU YA MASWALI YA BIBLIA
Ufufuo Ni Nini?
Huenda ukashangaa kujua ni nani watakaofufuliwa wakati ujao.
