Yesu Huokoa—Jinsi Gani?
Jibu la Biblia
Yesu aliwaokoa wanadamu waaminifu alipotoa uhai wake kuwa dhabihu ya fidia. (Mathayo 20:28) Hivyo, Biblia inamwita Yesu “mwokozi wa ulimwengu.” (1 Yohana 4:14) Pia inasema hivi: “Hakuna wokovu katika mwingine yeyote, kwa maana hakuna jina lingine chini ya mbingu walilopewa wanadamu ambalo kupitia hilo tunaweza kuokolewa.”—Matendo 4:12.
Yesu ‘alionja kifo kwa ajili ya kila mtu’ anayemwamini. (Waebrania 2:9; Yohana 3:16) Baada ya hapo, “Mungu alimfufua kutoka kwa wafu,” na Yesu akarudi mbinguni akiwa kiumbe wa roho. (Matendo 3:15) Akiwa huko, Yesu anaweza “kuwaokoa kikamili wale wanaomkaribia Mungu kupitia yeye, kwa sababu sikuzote yuko hai ili kuwaombea.”—Waebrania 7:25.
Kwa nini tunahitaji Yesu atuombee?
Sisi sote ni watenda dhambi. (Waroma 3:23) Dhambi hututenganisha na Mungu, nayo hutokeza kifo. (Waroma 6:23) Lakini Yesu hutenda kama “wakili” kwa ajili ya wale wanaodhihirisha imani katika dhabihu yake ya fidia. (1 Yohana 2:1, maelezo ya chini) Anawaombea, akimsihi Mungu asikilize sala zao na kuwasamehe dhambi kwa msingi wa dhabihu ya kifo cha Yesu. (Mathayo 1:21; Waroma 8:34) Mungu anatenda kupatana na maombi hayo yanayotolewa na Yesu kwa sababu yanapatana na mapenzi Yake. Mungu alimtuma Yesu duniani ili “ulimwengu uokolewe kupitia kwake.”—Yohana 3:17.
Je, tunahitaji tu kumwamini Yesu ili tuokolewe?
Hapana. Ingawa lazima tumwamini Yesu ili tuokolewe, mengi zaidi yanahitajika. (Matendo 16:30, 31) Biblia inasema hivi: “Kama vile mwili bila roho umekufa, vivyo hivyo, imani bila matendo imekufa.” (Yakobo 2:26) Ili tuokolewe tunapaswa:
Kujifunza kumhusu Yesu na Baba yake, Yehova.—Yohana 17:3.
Kuwa na imani katika Yehova na Yesu.—Yohana 12:44; 14:1.
Kuonyesha imani kwa kutii amri zao. (Luka 6:46; 1 Yohana 2:17) Yesu alifundisha kwamba si kila mtu anayemwita “Bwana” atakayeokolewa bali ni wale tu ‘wanaofanya mapenzi ya Baba yake aliye mbinguni.’—Mathayo 7:21.
Kuendelea kudhihirisha imani licha ya hali ngumu. Yesu alionyesha hilo ni muhimu aliposema: “Yule atakayevumilia mpaka mwisho ndiye atakayeokolewa.”—Mathayo 24:13.
Huenda Ukapenda Pia
MAJIBU YA MASWALI YA BIBLIA
Je, Kumwamini Yesu Kunatosha Kupata Wokovu?
Biblia inawataja watu fulani wanaomwamini Yesu lakini ambao hawataokolewa. Hilo linawezekanaje?
MAJIBU YA MASWALI YA BIBLIA
Je, Biblia Inafundisha ‘Ukiokolewa, Umeokolewa Milele’?
Yesu alitoa mfano unaojibu swali hilo.
MISTARI YA BIBLIA YAFAFANULIWA
Yohana 3:16 Yafafanuliwa—“Kwa Maana, Mungu Aliupenda Ulimwengu”
Yehova Mungu alionyeshaje kwamba anatupenda kila mmoja wetu na anataka tuishi milele?
ESSENTIAL BIBLE TEACHINGS
Kwa Nini Yesu Alikufa?
Huenda unajua kwamba alikufa kwa sababu ya dhambi zetu? Lakini dhabihu ya mtu mmoja inawezaje kuwanufaisha mamilioni ya watu?
MNARA WA MLINZI
Maisha Bora—Unaweza Kuyapataje?
Kuna “barabara” ambayo unayopaswa kuifuata ili uwe na maisha ambayo Mungu anawaandalia wale wanaompenda.
