Zaburi 102:1-28
Sala ya mtu aliyekandamizwa, anapokuwa amekata tamaa* na kummwagia Yehova mahangaiko yake.+
102 Ee Yehova, sikia sala yangu;+Kilio changu cha kuomba msaada na kikufikie.+
2 Usinifiche uso wako ninapokuwa katika taabu.+
Nitegee sikio lako;*Nijibu haraka ninapokuita.+
3 Kwa maana siku zangu zinatoweka kama moshi,Na mifupa yangu imeungua na kuwa myeusi kama tanuru.+
4 Moyo wangu umepigwa kama majani na umenyauka,+Kwa maana ninasahau kula chakula changu.
5 Kwa sababu ya kilio changu kikubwa cha maumivu,+Mifupa yangu inashikamana na nyama yangu.+
6 Mimi ni kama mwari wa nyikani;Mimi ni kama bundi mdogo katikati ya magofu.
7 Nikilala sipati usingizi;*Mimi ni kama ndege aliye peke yake juu ya paa.+
8 Mchana kutwa maadui wangu wananidhihaki.+
Wale wanaonidhihaki* wanatumia jina langu kama laana.
9 Kwa maana ninakula majivu kama mkate,+Na kinywaji changu kimechanganyika na machozi,+
10 Kwa sababu ya hasira yako na ghadhabu yako,Kwa maana uliniinua juu ili unitupe tu pembeni.
11 Siku zangu zinafifia kama kivuli,*+Nami ninanyauka kama majani.+
12 Lakini wewe unadumu milele, Ee Yehova,+Na umaarufu wako utadumu* katika vizazi vyote.+
13 Kwa hakika utainuka na kulionyesha rehema Sayuni,+Kwa maana ni wakati wa kulionyesha kibali chako;+Wakati uliowekwa umefika.+
14 Kwa maana watumishi wako wanayathamini mawe yake+Nao wanayapenda hata mavumbi yake.+
15 Mataifa yataliogopa jina la Yehova,Na wafalme wote wa dunia utukufu wako.+
16 Kwa maana Yehova atalijenga upya Sayuni;+Atatokea katika utukufu wake.+
17 Ataisikiliza sala ya maskini;+Hataidharau sala yao.+
18 Hili limeandikwa kwa ajili ya kizazi cha wakati ujao,+Ili watu watakaozaliwa* baadaye wamsifu Yah.
19 Kwa maana yeye hutazama chini kutoka katika makao yake matakatifu yaliyo juu,+Kutoka mbinguni Yehova huitazama dunia,
20 Ili asikie kilio cha maumivu cha mfungwa,+Ili awaweke huru wale waliohukumiwa kifo,+
21 Ili jina la Yehova litangazwe Sayuni+Na sifa yake Yerusalemu,
22 Mataifa na falmeZinapokusanyika pamoja ili kumtumikia Yehova.+
23 Alininyang’anya nguvu zangu kabla ya wakati;Alifupisha siku zangu.
24 Nikasema: “Ee Mungu wangu,Usiniangamize nikiwa katikati ya maisha yangu,Wewe ambaye miaka yako inadumu katika vizazi vyote.+
25 Zamani za kale uliiweka misingi ya dunia,Na mbingu ni kazi ya mikono yako.+
26 Zitaangamia, lakini wewe utadumu;Zote zitachakaa kama vazi.
Na kama nguo utazibadili, nazo zitatokomea.
27 Lakini wewe ni yuleyule, na miaka yako haitaisha kamwe.+
28 Watoto wa watumishi wako watakaa kwa usalama,Na uzao wao utaimarishwa kabisa mbele zako.”+
Maelezo ya Chini
^ Au “anapokuwa dhaifu.”
^ Au “Inama chini na unisikilize.”
^ Au labda, “Nimekonda sana.”
^ Au “wanaonifanya nionekane mpumbavu.”
^ Au “ni kama kivuli kinachorefuka.”
^ Au “jina lako litadumu.” Tnn., “ukumbusho wako utadumu.”
^ Tnn., “watakaoumbwa.”
