Zaburi 34:1-22
Wa Daudi, alipojifanya mwenda wazimu+ mbele ya Abimeleki, hivi kwamba akamfukuza, naye akaenda zake.
א [Aleph]
34 Nitamsifu Yehova nyakati zote;Sifa yake itakuwa midomoni mwangu daima.
ב [Beth]
2 Nitajigamba* kwa sababu ya Yehova;+Wapole watasikia na kushangilia.
ג [Gimel]
3 Mtukuzeni Yehova pamoja nami;+Na tulikweze jina lake pamoja.
ד [Daleth]
4 Nilimwomba Yehova ushauri, naye akanijibu.+
Aliniokoa kutoka katika mambo yote yanayoniogopesha.+
ה [He]
5 Wale waliomtazama waling’aa;Nyuso zao hazingeweza kuona aibu.
ז [Zayin]
6 Mtu huyo wa hali ya chini aliita, na Yehova akasikia.
Alimwokoa kutoka katika taabu zake zote.+
ח [Heth]
7 Malaika wa Yehova hupiga kambi pande zote kuwazunguka wanaomwogopa Yeye,+Naye huwaokoa.+
ט [Teth]
8 Onjeni mwone kwamba Yehova ni mwema;+Mwenye furaha ni mtu anayemkimbilia.
י [Yod]
9 Mwogopeni Yehova, ninyi nyote watakatifu wake,Kwa maana wale wanaomwogopa hawakosi chochote.+
כ [Kaph]
10 Hata wanasimba* wenye nguvu wamelemewa na njaa,Lakini wale wanaomtafuta Yehova hawatakosa chochote chema.+
ל [Lamed]
11 Njooni, wanangu, nisikilizeni;Nitawafundisha kumwogopa Yehova.+
מ [Mem]
12 Ni nani miongoni mwenu anayependa uzimaNa angependa kuishi siku nyingi njema?+
נ [Nun]
13 Basi ulinde ulimi wako usiseme mabaya,+Midomo yako isiseme uwongo.+
ס [Samekh]
14 Acha uovu, utende mema;+Tafuta amani na uifuatie.+
ע [Ayin]
15 Macho ya Yehova yanawatazama waadilifu,+Na masikio yake yanasikiliza kilio chao cha kuomba msaada.+
פ [Pe]
16 Lakini uso wa Yehova uko dhidi ya wale wanaotenda maovu,Ili afutilie mbali kumbukumbu lao lote kutoka duniani.+
צ [Tsade]
17 Walilia kwa sauti, na Yehova akasikia;+Aliwaokoa kutoka katika taabu zao zote.+
ק [Qoph]
18 Yehova yuko karibu na wale waliovunjika moyo;+Huwaokoa waliopondeka roho.*+
ר [Resh]
19 Mwadilifu ana matatizo mengi,*+Lakini Yehova humwokoa kutoka katika matatizo hayo yote.+
ש [Shin]
20 Anailinda mifupa yake yote;Haujavunjwa hata mmoja.+
ת [Taw]
21 Msiba utamuua mwovu;Wale wanaomchukia mwadilifu watahesabiwa kuwa na hatia.
22 Yehova anaukomboa uhai wa* watumishi wake;Hakuna yeyote anayemkimbilia atakayepatikana na hatia.+
Maelezo ya Chini
^ Au “Nafsi yangu itajigamba.”
^ Au “wanasimba wenye manyoya marefu shingoni ambao ni.”
^ Au “waliovunjika moyo.”
^ Au “misiba mingi.”
^ Au “anaikomboa nafsi ya.”
