Ujuzi Utakaotusaidia Kumkaribia Mungu
Muumba wetu ana nguvu, lakini pia ana sifa nyingi zenye kupendeza. Na anataka tujifunze kumhusu na kumkaribia. (Yohana 17:3; Yakobo 4:8) Hiyo ndiyo sababu ametufunulia mambo mengi kujihusu.
Muumba Wetu Ana Jina la Kibinafsi
“Na watu wajue kwamba wewe, ambaye jina lako ni Yehova, wewe peke yako ndiye Uliye Juu Zaidi, juu ya dunia yote.”—ZABURI 83:18.
Biblia inafundisha kwamba Yehova ndiye Mungu pekee wa kweli. Yeye ndiye Muumba wa ulimwengu na viumbe vyote. Yeye peke yake ndiye anayestahili kuabudiwa.—Ufunuo 4:11.
Yehova Ni Mungu Mwenye Upendo
“Mungu ni upendo.”—1 YOHANA 4:8.
Kupitia Biblia na uumbaji unaotuzunguka, Yehova amefunua sifa zake nyingi. Upendo ndiyo sifa yake kuu. Kila kitu anachofanya kinaongozwa na upendo. Kadiri tunavyoendelea kujifunza kumhusu Yehova, ndivyo tunavyoendelea kumpenda.
Yehova Ni Mungu Anayesamehe
“Wewe ni Mungu uliye tayari kusamehe.”—NEHEMIA 9:17.
Yehova anajua kwamba sisi si wakamilifu. Kwa hiyo, yuko tayari kutusamehe. Tukimwomba msamaha na kujitahidi kabisa kuacha kufanya mambo mabaya, atatusamehe na hatatuhukumu kwa sababu ya makosa tuliyofanya zamani.—Zaburi 103:12, 13.
Yehova Anatualika Tusali Kwake
“Yehova yuko karibu na wote wanaomwitia . . . Husikia kilio chao cha kuomba msaada.”—ZABURI 145:18, 19.
Hatuhitaji kufuata desturi fulani au kutumia sanamu au kitu kingine chochote ili kumwabudu Yehova. Anasikiliza sala zetu kama wazazi wenye upendo wanavyowasikiliza watoto wao.
Huenda Ukapenda Pia
MAJIBU YA MASWALI YA BIBLIA
Je, Mungu Ni Nguvu Zisizo na Utu?
Biblia inasema kwamba Mungu aliumba vitu vyote, lakini je, anatujali?
MAJIBU YA MASWALI YA BIBLIA
Je, Mungu Atanisamehe?
Chunguza kile ambacho Biblia inasema kuhusu msamaha wa Mungu.
