JE, NI KAZI YA UBUNI?
Mbinu ya Nyuki ya Kutua
NYUKI anaweza kutua salama mahali popote bila tatizo. Anawezaje kufanya hivyo?
Fikiria jambo hili: Ili atue salama, nyuki anahitaji kupunguza mwendo wake kabisa kabla ya kugusa mahali anapotaka kutua. Njia moja rahisi ingekuwa kupima kasi yake na umbali wa kufika pale anapokusudia kutua, kisha apunguze kasi hiyo hatua kwa hatua kulingana na umbali uliobaki. Hata hivyo, njia hiyo ni ngumu kwa wadudu wengi, kwa sababu wana macho ambayo hayawezi kupima umbali.
Macho ya nyuki yanaona kwa njia tofauti sana na ya mwanadamu anayeweza kuona na kukadiria umbali. Inaonekana nyuki hutumia njia rahisi ya kwamba kadiri anavyosogelea kitu, kitu hicho kinazidi kuonekana kikubwa. Kadiri anavyozidi kukikaribia, kinazidi kuongezeka ukubwa kwa kasi zaidi. Uchunguzi uliofanywa na Australian National University unaonyesha kwamba nyuki hupunguza mwendo wake ili kasi ya kuongezeka ukubwa wa kitu anachotazama ibaki vilevile. Anapofika mahali alipokusudia kutua, mwendo wake unakuwa umepungua sana, na hivyo kumwezesha kutua salama.
Jarida la Proceedings of the National Academy of Sciences liliripoti hivi: “Mbinu hii rahisi ya kutua . . . itafaa sana ikiwa itatumiwa katika mfumo wa kuongoza roboti zinazoruka angani.”
Una maoni gani? Je, mbinu ya nyuki ya kutua ilijitokeza yenyewe? Au ilibuniwa?
Huenda Ukapenda Pia
VITABU NA BROSHUA
Uhai—Ulitokana na Muumba?
Ni muhimu sana kuchunguza msingi wa mambo unayoamini kuhusu chanzo cha uhai.
JE, NI KAZI YA UBUNI?
Uwezo wa Nyuki wa Kupaa—Je, Ni Kazi ya Ubuni?
Ni nini kinachomsaidia kiumbe mdogo hivyo awe na uwezo mkubwa sana wa kupaa kwa ustadi kuliko marubani wenye uzoefu?
AMKENI!
Sega la Asali
Nyuki walijuaje kutumia nafasi vizuri, miaka mingi kabla ya wanahisabati kuthibitisha jambo hilo mwaka wa 1999?
AMKENI!
Mfumo wa Gia wa Panzi Anayeitwa Issus
Ni jambo la pekee sana kwa panzi huyo kuweza kuruka kwa kasi na kisha kuwa na uwezo wa kudhibiti.
