JE, NI KAZI YA UBUNI?
Gundi ya Kipekee ya Buibui
BUIBUI wa kawaida huko Marekani (Parasteatoda tepidariorum) hutengeneza utando wenye gundi yenye nguvu za kuuwezesha kunata ukutani au dhaifu kiasi cha kubanduliwa sakafuni kwa urahisi na hivyo kuwa kama mtego wenye springi unaonasa mdudu anayetambaa. Buibui anawezaje kutengeneza utando wenye nguvu na dhaifu akitumia gundi ileile?
Utando uliofumwa ukutani
Fikiria hili: Buibui hutengeneza utando wake ukutani, kwenye dari, au mahali pengine kwa kufuma nyuzi nyembamba za hariri yenye gundi thabiti isiyoweza kubanduliwa kwa urahisi na mdudu anayeruka. Watafiti katika chuo kikuu cha Akron, huko Ohio, Marekani, wamegundua kwamba kwa upande mwingine buibui hutumia muundo tofauti anapofuma utando sakafuni. Utando wa sakafuni una nyuzi chache kuliko nyuzi zinazofumwa ukutani na hilo huwezesha utando kubanduka kwa urahisi unaponasa mdudu anayetambaa.
Utando uliofumwa sakafuni
Kulingana na ripoti iliyotolewa na chuo kikuu cha Akron, watafiti waliogundua maajabu haya ya uumbaji “tayari wameanza kufikiria jinsi wanavyoweza kutengeneza gundi inayofanana na ile ya buibui.” Wanasayansi wanatumaini kutengeneza gundi inayoweza kutumiwa kufunga bendeji na pia kuunganisha mifupa iliyovunjika.
Una maoni gani? Je, uwezo wa buibui wa kutengeneza utando wenye nguvu au ulio dhaifu kwa kutumia gundi ileile ulijitokeza wenyewe? Au ulibuniwa?
Huenda Ukapenda Pia
AMKENI!
Mng’ao wa Bluu wa Beri aina ya Pollia
Beri aina ya Pollia haina rangi ya bluu, lakini ina mwonekano wa bluu unaong’aa sana kuliko mmea mwingine wowote. Ni nini hutokeza mng’ao huo wa bluu?
AMKENI!
Manyoya ya Fisi Maji wa Baharini
Baadhi ya wanyama wanaoishi majini wana tabaka la mafuta linalowasaidia kudumisha joto. Fisi maji wa baharini hutumia mbinu nyingine.
AMKENI!
Mbinu ya Nyuki ya Kutua
Kwa nini mbinu ya kutua ya nyuki inafaa kutumiwa katika mfumo wa kuongoza roboti zinazoruka angani?
AMKENI!
Ngozi ya Chungu wa Sahara
Chungu wa rangi ya fedha ni mmoja kati ya viumbe wenye uwezo mkubwa wa kuvumilia joto kali. Ni nini kinachomwezesha kufanya hivyo?
AMKENI!
Nyuzinyuzi za Kome wa Baharini
Kome huning’inia kwa kutumia nyuzinyuzi. Kuelewa jinsi nyuzinyuzi hizo hufanya kazi kunaweza kutusaidia kubuni njia bora za kushikisha vifaa kwenye majengo au kuunganisha kano kwenye mifupa.
