Endelea Kusali Ili Upate Kibali cha Mungu
Mungu amewapa wanadamu zawadi ya pekee, yaani, uwezo wa kuwasiliana naye na kueleza hisia zao kupitia sala. Nabii Daudi alisali hivi: “Ee Msikiaji wa sala, watu wa kila aina watakujia.” (Zaburi 65:2) Lakini tunapaswa kusali kwa njia gani ili Mungu atusikilize na kutubariki?
SALI KUTOKA MOYONI NA KWA UNYENYEKEVU
Sala zako za kibinafsi zitakuwezesha kumwaga moyo wako mbele za Mungu, na kumweleza hisia zako za ndani. (Zaburi 62:8) Mwenyezi Mungu anapenda tusali kwa unyofu kutoka moyoni.
TUMIA JINA LA MUNGU UNAPOSALI
Ingawa Mungu ana majina mengi ya cheo kama vile Bwana au Mwenyezi Mungu, lakini ana jina moja tu la kibinafsi. “Mimi ni Yehova. Hilo ndilo jina langu.” (Isaya 42:8) Jina Yehova linapatikana mara 7,000 hivi katika Maandiko Matakatifu. Manabii wengi walitumia jina la Mungu walipokuwa wakisali. Abrahamu alisema hivi: “Tafadhali Yehova, . . . niruhusu niendelee kuongea [nawe].” (Mwanzo 18:30) Sisi pia tunapaswa kutumia jina la Mungu, Yehova, tunaposali.
SALI KWA LUGHA YAKO
Mungu anaelewa mawazo na hisia zetu tunapozungumza kwa lugha yoyote ile. Neno Lake linatuhakikishia hivi: “Mungu hana ubaguzi, lakini katika kila taifa mtu anayemwogopa na kutenda uadilifu anakubaliwa naye.”—Matendo 10:34, 35.
Hata hivyo, ili tupate baraka za Mungu, tunahitaji kufanya mambo mengine zaidi ya kusali. Katika makala zinazofuata tutachunguza mambo tunayopaswa kufanya.
Huenda Ukapenda Pia
MAJIBU YA MASWALI YA BIBLIA
Nisali Kuhusu Nini?
Soma uone kwa nini mahangaiko ya kibinafsi si jambo ndogo kwa Mungu.
VIJANA HUULIZA
Kwa Nini Ninapaswa Kusali?
Je, kusali ni njia ya kutuliza akili, au kuna jambo lingine la ziada?
MAJIBU YA MASWALI YA BIBLIA
Je, Mungu Atanisaidia Nikisali?
Je, Mungu anajishughulisha na matatizo yetu?
KUTUHUSU
Hudhuria Mkutano
Jifunze kuhusu mikutano yetu. Pata mikutano iliyo katika eneo lililo karibu nawe.
