Zaburi 19:1-14
Kwa kiongozi. Muziki wa Daudi.
19 Mbingu zinatangaza utukufu wa Mungu;+
Na anga lenye kuwa juu linatangaza kazi ya mikono yake.+
2 Siku kwa siku maneno yavyo yanabubujika,
Na usiku kwa usiku vinafunua ujuzi.
3 Hakuna usemi, na hakuna maneno;
Sauti yao haisikike.
4 Lakini sauti yao* imefika katika dunia yote,
Na ujumbe wao mupaka kwenye miisho ya dunia yenye kuikaliwa na watu.*+
Amesimamisha hema mbinguni kwa ajili ya jua;
5 Ni kama bwana-arusi mwenye anatoka katika chumba chake cha arusi;
Linashangilia kama mwanaume mwenye nguvu mwenye anakimbia kwenye njia yake.
6 Linatokea kwenye mwisho mumoja wa mbingu,
Na linazunguka mupaka mwisho mwingine wa mbingu;+
Na hakuna kitu chochote chenye kinafichwa kisipatwe na joto lake.
7 Sheria ya Yehova ni kamilifu,+ inarudisha nguvu.*+
Kikumbusho cha Yehova kinategemeka,+ kinamufanya mwenye hana uzoefu akuwe na hekima.+
8 Maagizo kutoka kwa Yehova ni yenye haki, yanafanya moyo ushangilie;+
Amri ya Yehova ni safi, inafanya macho yangae.+
9 Kumuogopa Yehova+ ni jambo safi, kunadumu milele.
Hukumu za Yehova ni za kweli; zote ni zenye haki.+
10 Ni zenye kutamanika zaidi kuliko zahabu,
Kuliko zahabu nyingi safi,*+
Na ziko tamu zaidi kuliko asali,+ asali yenye kuanguka matone-matone kutoka katika sega.
11 Mutumishi wako ameonywa kupitia hizo;+
Katika kuzishika, kuko zawabu kubwa.+
12 Ni nani anaweza kutambua makosa?+
Unitangaze kuwa sina hatia ya zambi zenye sijue.
13 Na umuzuie mutumishi wako asitende matendo ya kimbelembele;+
Usiruhusu yanitawale.+
Halafu nitakuwa kamili,+
Na sitakuwa na hatia ya zambi zenye kuwa wazi.*
14 Maneno ya kinywa changu na kufikiri sana* kwa moyo wangu
Vikupendeze wewe,+ Ee Yehova, Mwamba wangu+ na Mukombozi wangu.+
Maelezo ya Chini
^ Ao pengine, “kamba yao ya kupimia.”
^ Ao “inchi yenye kuzaa.”
^ Ao “inarudisha nafsi.”
^ Ao “yenye ilisafishwa.”
^ Ao “makosa mengi.”
^ Ao “kutafakari.”
