MAKOMBE yanawezesha moluska kuishi katika hali ngumu, kwa kuvumilia mikazo mikubwa yenye kuwa chini ya bahari. Uwezo huo wa kutoa ulinzi mukubwa umechochea mafundi kujifunza umbo na muundo wa makombe wakiwa na kusudi la kutengeneza magari na majengo yenye yatalinda watu wenye kuwa ndani.

Fikiria jambo hili: Mafundi walichunguza aina mbili ya makombe​—makombe yenye kuwa na vipande viwili (aina ya kombe la chaza) na makombe yenye kujikunja-kunja (umbo la vis).

Kuhusu kombe yenye kuwa na vipande viwili, ilionekana kwamba sehemu zenye kuinuka-inuka zenye kuwa inje ya kombe zinaongoza mikazo ya chini ya bahari kuelekea upande wa inje wenye kuunganisha sehemu hizo. Tofauti na hilo, mupindo wa inje wa kombe lenye kujikunja-kunja ulielekeza mikazo kwenye sehemu ya katikati na kwenye sehemu ya juu yenye kuwa pana. Katika hali zote mbili, maumbo ya makombe yaliongoza mikazo kwenye sehemu zao zenye kuwa nguvu zaidi. Hilo linamaanisha kwamba kama kunatokea jambo lenye kuwa hatari, moluska atakuwa mwenye kulindwa muzuri.

Wanasayansi walilinganisha pia mikazo kwenye makombe ya kweli na kwenye vipande na kwenye sehemu zenye kujichonga za kombe (vyenye vilitokezwa kupitia mashine yenye uwezo wa kutokeza maumbo) vyenye viliiga maumbo na muundo wa kombe. Matokeo yalionyesha kwamba sehemu za ajabu za kombe ya kweli ziliongeza karibu mara mbili uwezo wa kuvumilia mukazo wakati zililinganishwa na maumbo yenye yaliigwa.

Ikitoa maelezo kuhusu namna utafiti huu unaweza kutumika, gazeti Scientific American linasema hivi: “Kama unajikuta siku moja ukitembeza motokari yenye kuwa na umbo la kombe, itakuwa motokari yenye kuvutia na yenye kulinda watu zaifu wenye kuwa ndani.”

Unawaza namna gani: Umbo la makombe lilijitokeza lenyewe? Ao liliumbwa?