KATIKA mwaka wa 2010, zaidi ya litre milioni 800 za mafuta yasiyosafishwa (carburant) zilimwangika katika Guba (sehemu ya bahari inayoingia ndani ya inchi kavu) ya Meksiko kisha chombo kikubwa cha kuchimba mafuta kulipuka na kuzama. Lakini, katika miezi fulani mafuta mengi yalikuwa yamekwisha. Hilo liliwezekana namna gani?

Fikiria hili: Uchunguzi wa wanasayansi umeonyesha kuwa bakteria nyingi zenye kuwa katika maji zinaweza kumaliza mustari murefu wa molekuli ya kaboni yenye kuwa katika mafuta. Profesa Terry Hazen, mwanasayansi wa mikrobiolojia ya mazingira, alisema kama bakteria hizo ni “silaha zenye kutafuta mafuta.” Bakteria kama hizo zilichangia kwa sehemu fulani katika jambo lenye lilifanyika katika Guba ya Meksiko, lenye kuzungumuziwa kwenye mwanzo wa habari hii.

Ripoti ya Shirika la Habari la Uingereza (BBC) juu ya jambo hilo inasema hivi: “Kwa njia fulani, haishangaze kuona kama bahari zinapaswa kuwa na mikrobe yenye njaa ya mafuta.” Kwa kweli, “mafuta yenye kuvuja kutoka kwenye sehemu ya chini kabisa ya bahari yameingia katika maji ya duniani” kwa miaka mingi sana.

Kwa kweli, bidii yenye kufanywa na watu ili kumaliza mafuta yenye kumwangika katika maji iko na matokeo mazuri. Lakini, bidii ya muzuri ya watu ya kumaliza mafuta yenye kumwangika inaweza kuleta matokeo mabaya zaidi kuliko kuleta matokeo mazuri. Dawa za kemikali zenye kutumiwa ili kumaliza mafuta zinazuia njia za asili za kumaliza mafuta. Kwa kuongezea, kemikali hizo ziko na sumu na zinaleta matokeo mabaya na ya muda murefu juu ya mazingira. Lakini uwezo wa asili wa kumaliza mafuta, kutia ndani mikrobe yenye njaa ya mafuta, unawezesha bahari ijisafishe yenyewe bila matokeo mabaya ya njia zenye kufanywa na watu. *

Unawaza namna gani? Uwezo wa kumaliza mafuta wa bakteria za baharini ulijifanya wenyewe? Ao uliumbwa?