Kama hawayakuchukiaka, pengine ulishakajionea namna watu wako naonyesha chuki juu ya sababu mbalimbali. Mara mingi watu wanachukiwa juu tu wako wa inchi ingine, ao wako na rangi ingine ya ngozi. Ao tena, juu ni wanaume wenye wanalalaka na wanaume wenzao ao wanamuke wenye wanalalaka na wanamuke wenzao. Njo maana serikali mingi ziko natunga sheria zenye zinapatia azabu kali, watu wenye wanatendea wengine mubaya juu tu wanawachukia.

Chuki inazalaka chuki. Mara mingi mutu mwenye alitendewa mubaya juu walimuchukia anapendaka kurudishia mwenye alimutendea mubaya; na ile inafanya chuki iendelee.

Pengine watu walishakakukubagua, kukuchekelea, kukutukana ao hata kukuogopesha. Lakini chuki haiishiake tu ku maneno. Mara mingi watu wanafikiaka hata kutendea wengine mubaya sana. Wanaweza kuwaonea, kuwaharibishia vitu, kuwapiga, ao kuwalala kwa nguvu. Tena, wanaweza hata kuua mutu ao kikundi fulani ya watu.

Hii gazeti itajibia maulizo yenye kuwa hapa chini na itaonyesha mambo yenye tunapaswa kufanya juu ya kuachana na chuki:

• Juu ya nini chuki iko naendelea?

• Tunaweza kufanya nini juu ya kuachana na chuki?

• Kuko siku yenye chuki haitakuwaka tena?