1. Unawaziaka Yehova anakuwaka namna gani?

 ULISHAKAPIMA kuwazia vile Yehova anakuwaka? Wakati unazungumuza naye katika sala, unawaziaka iko namna gani? Hata kama hatuwezi kumuona Yehova, Biblia inatumia maneno mbalimbali ili kufasiria namna anakuwaka. Yehova anaitwa “jua na ngao” na “moto wenye kuteketeza.” (Zb. 84:11; Ebr. 12:29) Mu maono, muandikaji fulani wa Biblia aliona Yehova anafanana na jiwe ya yakuti, metali yenye kungaa, na mwangaza wa upinde wa mvua. (Eze. 1:26-28) Maneno fulani yenye kutumiwa ili kuzungumuzia Yehova inaweza kufanya tushangae sana ao hata tuogope.

2. Ni nini inaweza kufanya watu fulani wasimukaribie Yehova?

² Juu hatuwezi kumuona Yehova, inaweza kuwa nguvu kwetu kuamini kama anatupenda. Watu fulani wanawaza kama Yehova hawezi kuwapenda kwa sababu ya mambo fulani yenye iliwafikia mu maisha. Pengine hakuna siku baba yao aliwaonyesha upendo. Yehova anaelewa namna tunajisikia na juu ya nini ile inaweza kufanya ikuwe nguvu kwetu kumukaribia. Ili kutusaidia, kupitia Neno yake Biblia anatuonyesha yeye ni mutu wa namna gani.

3. Juu ya nini tunapaswa kujifunza juu ya upendo wa Yehova?

³ Yehova ni upendo. Biblia inasema kama “Mungu ni upendo.” (1 Yo. 4:8) Upendo unachochea mambo yote yenye anafanya. Upendo wake ni mwingi sana na ni wenye nguvu sana mupaka anauonyesha hata wale wenye hawamupendi. (Mt. 5:44, 45) Mu hii habari tutazungumuzia Yehova na upendo wake. Kadiri tutaendelea kujifunza mengi zaidi juu ya Mungu wetu, ni vile tutamupenda zaidi.

YEHOVA ANATUPENDA SANA

4. Kujua kama Yehova anakupenda sana kunafanya ujisikie namna gani? (Ona pia picha.)

⁴ “Yehova ni mwenye upendo mwingi sana.” (Yak. 5:11) Biblia inamufananisha na mama mwenye upendo. (Isa. 66:12, 13) Wazia  mama mwenye kuhangaikia mutoto wake mudogo kwa upendo, anamubeba ku miguu yake na anazungumuza naye kwa upendo na kwa sauti ya upole. Wakati mutoto wake analia ao iko na maumivu, anahakikisha kama mutoto wake hakose kitu. Wakati tuko na huzuni tukuwe hakika kama Yehova anatupenda. Muandikaji fulani wa zaburi aliandika hivi: “Wakati mahangaiko yalinilemea, ulinifariji na kunituliza.”—Zb. 94:19.

5. Namna gani Yehova anatuonyesha upendo mushikamanifu?

⁵ Yehova ni mushikamanifu. (Zb. 103:8) Hatuachilie wakati tunafanya jambo fulani ya mubaya. Taifa ya Israeli ilimukosea Yehova tena na tena. Lakini wakati watu wake walitubu, aliwaonyesha upendo mushikamanifu. Kwa mufano, alisema hivi: “Ulikuwa mwenye samani mbele ya macho yangu,uliheshimiwa, na nimekupenda.” (Isa. 43:4, 5) Upendo wa Mungu hauyabadilika. Tukuwe hakika kama anatupenda sikuzote. Hata kama tunafanya makosa makubwa, wakati tunatubu na kumurudilia, tutaona kama angali anatupenda. Anaahidi kama “atasamehe kwa njia kubwa.” (Isa. 55:7) Biblia inaonyesha kama ule musamaha unaleta “vipindi vya kutuliza . . . kutoka kwa Yehova mwenyewe.”—Mdo. 3:19.

6. Andiko ya Zekaria 2:8 inatufundisha nini juu ya Yehova?

⁶ Soma Zekaria 2:8. Juu Yehova anatupenda, anahangaikia namna tunajisikia na anapenda kabisa kutulinda. Anaumia wakati tunaumia. Kwa hiyo, tunaweza kuwa hakika kama atatujibia ikiwa tunamuomba hivi: “Unilinde kama mboni ya jicho lako.” (Zb. 17:8) Jicho ni sehemu ya mwili ya maana sana na yenye inaomba kulinda sana. Kwa hiyo, wakati Yehova anatulinganisha na mboni ya jicho lake, ni sawa vile anasema, ‘Mutu yeyote mwenye anaumiza watu wangu, anaumiza jambo ya maana sana kwangu.’

7. Juu ya nini tuko na lazima ya kuwa hakika zaidi kama Yehova anatupenda?

⁷ Yehova anapenda ukuwe hakika kama anakupenda weye kipekee. Lakini anajua kama kwa sababu ya mambo yenye ilitufikia zamani, tunaweza kujiuliza ikiwa inawezekana kabisa Yehova atupende. Ao pengine tuko napambana na hali zenye zinafanya tushakie kama Yehova anatupenda. Ni nini inaweza kutusaidia tukuwe hakika kabisa kama Yehova anatupenda? Kujifunza namna Yehova anaonyesha upendo wake kwa Yesu, kwa watiwa-mafuta, na kwetu siye wote.

 NAMNA YEHOVA ANAONYESHA UPENDO WAKE

8. Juu ya nini Yesu alikuwa hakika kama Baba yake anamupenda?

⁸ Kwa mamilioni ya miaka, Yehova na Mwana wake mupendwa walikomalisha uhusiano wa nguvu sana; hakuna watu wenye wamepitisha wakati mingi sana pamoja sawa vile Yehova na Yesu. Sawa vile Matayo 17:5 inaonyesha, Yehova alisema waziwazi kama anamupenda Yesu. Yehova angependa angesema tu ‘Huyu ni Mwana wangu, mwenye nimekubali.’ Lakini Yehova alipenda tujue kama anamupenda sana Yesu. Kwa hiyo alimuita “Mwana wangu, mupendwa.” Yehova alimufurahia sana Yesu na mambo yenye alikuwa karibu kufanya. (Efe. 1:7) Yesu hakukuwa na mashaka kama Baba yake anamupenda. Alikuwa hakika kama Yehova anamupenda. Mara kwa mara, Yesu alionyesha kama Baba yake anamupenda.—Yoh. 3:35; 10:17; 17:24.

9. Ni neno gani yenye inaonyesha kama Yehova anapenda watiwa-mafuta? Fasiria. (Waroma 5:5)

⁹ Yehova anaonyesha pia kama anapenda watiwa-mafuta. (Soma Waroma 5:5.) Fikiria neno “umemwangwa.” Kuhusu ile neno, kitabu fulani inasema kama ni sawa vile upendo wa Mungu “unatumwangikia sawa mutoni.” Ile maneno inaonyesha wazi namna Yehova anapenda sana watiwa-mafuta. Watiwa-mafuta wanajua kama ‘wanapendwa na Mungu.’ (Yud. 1) Mutume Yohana alionyesha namna watiwa-mafuta wanajisikia wakati aliandika hivi: “Muone namna ya upendo wenye Baba ametupatia sisi, kwamba tuitwe watoto wa Mungu!” (1 Yo. 3:1) Yehova anapenda tu watiwa-mafuta? Hapana, Yehova ameonyesha kama anatupenda siye wote.

10. Yehova alifanya jambo gani yenye kuwa kubwa sana ili kukuhakikishia kama anakupenda?

¹⁰ Ni jambo gani yenye kuwa kubwa sana yenye kuonyesha kama Yehova anatupenda? Ni bei ya ukombozi. Hakuna mwenye alishakaonyesha upendo mukubwa vile mu ulimwengu wote! (Yoh. 3:16; Ro. 5:8) Yehova alitoa Mwana wake mupendwa na kuruhusu akufe kwa ajili ya wanadamu wote, ili zambi zetu zisamehewe na tuweze kuwa marafiki wake. (1 Yo. 4:10) Wakati tunatafakari juu ya namna Yehova na Yesu walijiima sana ili bei ya ukombozi itolewe, tunaelewa namna wanapenda sana kila mumoja wetu. (Gal. 2:20) Bei ya ukombozi haikulipwa juu tu haki ya Yehova iliomba vile. Lakini ni zawadi yenye upendo. Yehova ameonyesha kama anatupenda sana kwa kututolea Yesu, Mwana wake mupendwa zaidi. Aliruhusu ateseke na akufe kwa ajili yetu.

11. Yeremia 31:3 inatufundisha nini?

¹¹ Sawa vile tumeona Yehova hafichake upendo wake, lakini anauonyesha waziwazi. (Soma Yeremia 31:3.) Yehova ametuvuta kwake kwa sababu anatupenda. (Linganisha na Kumbukumbu la Torati 7:7, 8.) Hakuna kitu ao mutu mwenye anaweza kututenganisha na upendo wa Yehova. (Ro. 8:38, 39) Kujua kama Yehova anakupenda sana, kunafanya ujisikie namna gani? Soma Zaburi ya 23 na uone namna Daudi alijisikia juu alijua kama Yehova anamupenda na kumuhangaikia sana, kisha uone namna ile itafanya ujisikie.

KUJUA KAMA YEHOVA ANAKUPENDA KUNAFANYA UJISIKIE NAMNA GANI?

12. Namna gani unaweza kufasiria kwa kifupi Zaburi ya 23?

¹² Soma Zaburi 23:1-6. Zaburi ya 23 ni wimbo wenye kuonyesha kabisa kama Yehova iko na upendo na anatuhangaikia. Daudi, muandikaji wa ile zaburi, anazungumuzia uhusiano wenye nguvu wenye kuwa kati yake na Muchungaji wake Yehova. Daudi alijisikia kuwa salama juu aliacha Yehova amuongoze na alimutegemea kabisa. Daudi alijua kama upendo wa Yehova utaendelea kumufuata siku zote za maisha yake. Ni nini ilimuhakikishia vile?

13. Juu ya nini Daudi alikuwa hakika kama Yehova atamuhangaikia?

 ¹³ “Sitakosa kitu.” Daudi aliona kuwa Yehova anamuhangaikia kwa sababu sikuzote alimupatia mambo yenye alikuwa nayo lazima. Daudi alijua pia kama Yehova ni Rafiki yake na kama alimukubali. Njo maana alikuwa hakika kama hata nini itokee, Yehova angeendelea kumupatia mambo yenye alikuwa nayo lazima. Juu Daudi alikuwa hakika kama Yehova alimupenda sana na kama angemuhangaikia, ile ilifanya asilemewe na mahangaiko, lakini akuwe na furaha na akuwe mwenye kutosheka.—Zb. 16:11.

14. Namna gani Yehova anaweza kutuhangaikia kwa upendo?

¹⁴ Yehova anatuhangaikia kwa upendo, zaidi sana wakati mambo ya mubaya inatufikia. Claire, a mwenye ametumikia ku Beteli kwa miaka zaidi ya 20, hakujua afanye nini wakati watu wa familia yake walipatwa na magumu ya nguvu, tena ya kufuatana. Baba yake alipatwa na ugonjwa fulani wenye kufanya mutu apooze (AVC). Dada yake mumoja alitengwa, na familia yake ilipoteza biashara yao ya kidogo na nyumba yao. Namna gani Yehova aliwahangaikia kwa upendo? Claire anasema hivi: “Yehova alihakikisha kama watu wa familia yangu walipata mambo ya lazima kila siku. Tena na tena, mambo yenye Yehova alitupatia ilipita mambo yenye ningewazia! Mara mingi ninafikiria ile kipindi yenye nilijionea upendo wa Yehova, na ninaifurahiaka kabisa. Kuendelea kukumbuka ile mambo kumenisaidia niendelee kumutumikia Yehova wakati wa majaribu.”

15. Juu ya nini Daudi alijisikia muzuri? (Ona pia picha.)

¹⁵ “Ananiburudisha.” Wakati fulani, Daudi alihuzunika kwa sababu ya majaribu na magumu yenye alikuwa napambana nayo. (Zb. 18:4-6) Lakini, kwa sababu Yehova alimuonyesha  upendo mwingi na kumuhangaikia, Daudi aliburudishwa ao alijisikia muzuri. Yehova aliongoza rafiki yake Daudi kwenye “malisho yenye majani mengi” na kwenye “nafasi za kupumuzikia zenye maji mengi.” Matokeo ilikuwa nini? Daudi alipata tena nguvu, na aliweza kuendelea kumutumikia Yehova.—Zb. 18:28-32.

16. Namna gani upendo wa Yehova umekufanya ujisikie muzuri?

¹⁶ Leo pia, ‘ni kwa sababu ya upendo mushikamanifu wa Yehova ndiyo maana hatuishe’ wakati tunapambana na majaribu na magumu mu maisha yetu. (Omb. 3:22; Kol. 1:11) Fikiria mufano wa Rachel. Mu kipindi ya Korona, bwana yake alimuacha. Zaidi ya ile bwana yake alimuacha pia Yehova. Yehova alisaidia Rachel namna gani? Rachel anasema hivi: “Yehova alihakikisha kama ninajisikia kuwa mwenye kupendwa. Alifanya nikuwe na marafiki wengi wenye walipitisha wakati pamoja na miye, waliniletea chakula, walinitumia mawazo na maandiko yenye kutia moyo, walicheka pamoya na miye, na waliendelea kunikumbusha kama Yehova alikuwa ananihangaikia. Kila mara ninamushukuru Yehova kwa sababu amenipatia familia kubwa yenye upendo.”

17. Juu ya nini Daudi ‘hakuogopa jambo lolote lenye kuumiza’?

¹⁷ “Siogope jambo lolote lenye kuumiza.” Uzima wa Daudi ulikuwa mu hatari mara mingi, na alikuwa na maadui wengi wenye nguvu. Lakini upendo wa Yehova ulimufanya ajisikie kuwa salama na mwenye kulindwa. Daudi alijisikia sawa vile Yehova alikuwa naye mu kila hali, na alikuwa anamutia moyo. Ndiyo sababu aliimba hivi: “[Yehova] aliniokoa katika mambo yote yenye kuniogopesha.” (Zb. 34:4) Ni kweli kwamba Daudi aliogopa, lakini upendo wa Yehova ulikuwa nguvu zaidi kupita woga wake.

18. Namna gani kujua kama Yehova anakupenda kunaweza kukutia nguvu wakati uko na woga?

¹⁸ Namna gani kuwa hakika kama Yehova anatupenda, kunatupatia nguvu ya kupambana na hali zenye kuogopesha? Dada painia mwenye kuitwa Susi anafasiria namna yeye na bwana yake walisikia wakati mutoto wao mwanaume alijiua. Anasema hivi: “Jambo ya mubaya sana yenye inatokea kwa kushitukia, inaumizaka sana. Na inaweza kufanya mutu ajisikie kuwa zaifu na akose la kufanya. Lakini upendo mwingi wa Yehova, ulifanya tujisikie kuwa salama na wenye kulindwa.” Rachel mwenye tulizungumuzia, anakumbuka hivi: “Usiku fulani wakati moyo uliniuma sana na nilikuwa na wasiwasi na woga, nilimulilia Yehova kwa sauti. Palepale nilijisikia sawa vile anatuliza moyo wangu, na kunifanya  nitulie kabisa, sawa vile mama anafanyiaka mutoto wake. Kisha nikasinzia. Siwezi kusahau ile wakati.” Muzee fulani mwenye kuitwa Tasos alipitisha miaka ine mu gereza kwa sababu alikatala kuingia mu jeshi. Namna gani Yehova alimuonyesha upendo na kumuhangaikia? Anasema hivi: “Yehova alinipatia mambo yote yenye nilikuwa nayo lazima na hata mambo ya zaidi. Ile ilifanya nikuwe hakika zaidi kama ninaweza kumutumainia kabisa. Pia kupitia roho yake, Yehova alinipatia furaha hata kama nilikuwa fasi yenye ingeweza kufanya nivunjike moyo. Ile ilinihakikishia kama kadiri ninajikaza kuwa karibu na Yehova, ni vile nitajionea zaidi na zaidi wema wake. Kwa hiyo, nikakuwa painia wa kawaida wakati nilikuwa ningali mu gereza.”

UMUKARIBIE ZAIDI MUNGU WAKO MWENYE UPENDO MWINGI

19. (a) Kujua kama Mungu anatupenda kunaweza kuwa na matokeo gani juu ya mambo yenye tunasema mu sala zetu? (b) Kati ya mambo yenye tumejifunza juu ya upendo wa Yehova, ya wapi njo inakugusa sana? (Ona kisanduku “ Maneno Yenye Kuonyesha Namna Yehova Anatupenda Sana.”)

¹⁹ Mifano yote yenye tumetoka kuzungumuzia, inaonyesha kabisa kama Yehova, “Mungu wa upendo,” iko pamoja na siye! (2 Ko. 13:11) Anahangaikia kila mumoja wetu kipekee. Tuko hakika kama ‘tunazungukwa na upendo Wake mushikamanifu.’ (Zb. 32:10) Kadiri tunaendelea kutafakari juu ya namna Yehova ametuonyesha upendo, ni vile tutamuona kuwa mutu kweli kabisa, na tutamukaribia zaidi. Tujisikie huru kusali kwake na kumuambia namna tuko na lazima kabisa ya upendo wake. Tunaweza kumuambia mambo yote yenye inatuhangaisha, juu tuko hakika kama anatuelewa na anapenda kabisa kutusaidia.—Zb. 145:18, 19.

20. Namna gani upendo wa Yehova unafanya tumukaribie zaidi?

²⁰ Sawa vile tu tunapendaka kukaribia moto wakati wa baridi, tunapenda kumukaribia Yehova kwa sababu ya upendo wake mwingi. Upendo wa Yehova ni wenye nguvu sana, lakini pia ni mwororo. Kwa hiyo, karibisha upendo wa Yehova mu maisha yako. Basi, siye wote upendo wake utuchochee kusema: “Ninamupenda Yehova”!—Zb. 116:1.