SURA YA 37

Juu ya nini nibatizwe?

Onyesha kama mawazo yenye kufuata ni kweli ao uongo:

Kila Mukristo anapaswa kubatizwa.

□ Kweli

□ Uongo

Kusudi kubwa ya ubatizo ni kulinda mutu asiangukie mu zambi.

□ Kweli

□ Uongo

Ubatizo ni wa lazima juu mutu aokolewe.

□ Kweli

□ Uongo

Kama hauyabatizwa Mungu hatakuhukumu juu ya matendo yako.

□ Kweli

□ Uongo

Kama marafiki wako wanabatizwa ni kusema na weye uko tayari kubatizwa.

□ Kweli

□ Uongo

KAMA uko natumikisha kanuni za Mungu mu maisha yako, uko natia nguvu urafiki wako na Mungu na uko naambia wengine mambo yenye unaamini, inaeleweka kama uko nafikiria kubatizwa. Lakini, nini itakusaidia kujua kama uko tayari kubatizwa? Juu ya kupata jibu, tufikirie ile mawazo yenye iko pale juu yenye ulijibia kweli ao uongo.

● Kila Mukristo anapaswa kubatizwa.

Kweli. Yesu alisema kama wanafunzi wake wanapaswa kubatizwa. (Matayo 28:19, 20) Hata Yesu alibatizwa. Juu ya kufuata Yesu, unapaswa kubatizwa wakati ulishakuwa na uwezo wa kujikamatia ile uamuzi na wakati unapenda kabisa kufanya vile.

● Kusudi kubwa ya ubatizo ni kulinda mutu asiangukie mu zambi.

Uongo. Wakati mutu anabatizwa, anaonyesha wengine kama amejitoa kwa Yehova. Ahadi ya kujitoa kwa Mungu haiko saa vile mapatano yenye inakuzuia kufanya mambo yenye ungependa kufanya. Lakini unatoa maisha yako kwa Yehova juu unapenda kumutii.

● Ubatizo ni wa lazima juu mutu aokolewe.

Kweli. Biblia inasema kama kubatizwa ni jambo ya maana juu mutu aokolewe. (1 Petro 3:21) Lakini ile haimaanishi kama, kama tu unabatizwa ni kusema utaokolewa. Kuko mambo ingine yenye unapaswa kufanya. Unaamua kubatizwa juu unamupenda Yehova na juu unapenda kumutumikia milele kwa moyo wako wote.​—Marko 12:29, 30.

● Kama hauyabatizwa Mungu hatakuhukumu juu ya matendo yako.

Uongo. Yakobo 4:17 inasema hivi: “Kwa hiyo, kama mutu anajua namna ya kufanya mambo yenye kuwa sawa lakini hayafanye, hiyo ni zambi kwake.” Ile andiko inahusu mutu yeyote ikuwe amebatizwa ao hapana. Njo maana, kama unajua mambo ya muzuri njo ya wapi, na ulishakuwa na akili ya kuamua namna utatumikisha maisha yako, pengine njo wakati ya kuzungumuzia ile jambo na wazazi wako ao Mukristo mwingine mwenye kukomala kiroho. Atakuonyesha mambo yenye unaweza kufanya juu ufikie kubatizwa.

● Kama marafiki wako wanabatizwa ni kusema na weye uko tayari kubatizwa.

Uongo. Weye njo unapaswa kujiamulia kama unapenda kubatizwa. (Zaburi 110:3) Unapaswa kubatizwa ikiwa tu ulishaelewa maana ya kuwa Shahidi wa Yehova na ikiwa uko hakika kama utaweza kuwa Shahidi wa Yehova.​—Muhubiri 5:4, 5.

Ubatizo Unabadilisha Maisha Yako

Ubatizo utakuletea mambo mingi ya muzuri mu maisha. Lakini ujue kama uko na daraka nzito. Unapaswa kuheshimia ahadi yenye ulitoa kwa Yehova wakati ulijitoa kwake.

Uko tayari kufanya vile? Kama jibu ni ndiyo, unapaswa kufurahi juu wakati unabatizwa, unakuwa na pendeleo ya maana sana ya kumutumikia Yehova kabisa na kuonyesha kila siku kama umejitoa kwake.​—Matayo 22:36, 37.

ANDIKO

“Mutoe miili yenu ikuwe zabihu yenye uzima, takatifu, na yenye kukubalika kwa Mungu, utumishi mutakatifu pamoja na nguvu zenu za kufikiri.”​—Waroma 12:1.

PENDEKEZO

Omba wazazi wako wakusaidie kupata mutu mu kutaniko mwenye atakusaidia kufanya maendeleo juu ufikie kubatizwa.​—Matendo 16:1-3.

UNAJUA . . .

Ubatizo ni sehemu ya maana ya “alama” yenye inaonyesha kama mutu ataokolewa.​—Ezekieli 9:4-6.

MAMBO NINAPANGA KUFANYA!

Juu nifikie kubatizwa, nitajikaza juu nielewe muzuri hii mafundisho ya Biblia: ․․․․․

Mambo yenye ninapenda kuuliza muzazi (wazazi) wangu juu ya hii habari ni ․․․․․

UNAWAZA NINI?

● Juu ya nini ubatizo ni jambo ya maana sana?

● Nini njo inaweza kufanya kijana aamue kubatizwa na hayakuwa tayari?

● Nini njo inaweza kufanya kijana aogope kujitoa kwa Yehova na kubatizwa?

[Wazo la fungu]

“Kujua kama nilishabatizwa kulinisaidia nikamate maamuzi ya muzuri na nisifanya mambo fulani yenye ingeniletea magumu.”​—Holly

[Kisanduku/​Picha]

Maulizo yenye watu wanazoea kuuliza juu ya ubatizo

Ubatizo maana yake nini? Wakati mutu anabatizwa anaonyesha kama kufanya mapenzi ya Yehova njo inakuwa sasa jambo ya maana zaidi mu maisha yake, na mambo ingine yote inafuata nyuma.

Kutoa maisha yako kwa Yehova maana yake nini? Maana yake kujikana na kumuahidi Mungu kama mapenzi yake njo utatia pa nafasi ya kwanza mu maisha yako. (Matayo 16:24) Mutu anapaswa kujitoa kwa Yehova katika sala mbele abatizwe.

Unapaswa kufanya nini mbele ubatizwe? Unapaswa kutii sheria za Mungu na kuzungumuza na wengine juu ya mambo yenye unaamini. Unapaswa kutia nguvu urafiki wako na Mungu kwa kusali kwake na kujifunza Neno yake. Unapaswa kumutumikia Yehova juu weye peke njo unapenda kufanya vile, haiko juu wengine wako nakukaza.

Mutu anapaswa kubatizwa na miaka ngapi? Miaka haiko jambo ya maana sana. Lakini unapaswa kuwa ulishakuwa na akili ya kuelewa maana ya kujitoa kwa Mungu.

Utafanya nini kama unapenda kubatizwa lakini wazazi wako wanasema ungoye kidogo? Pengine wanapenda uelewe muzuri zaidi namna Mukristo anapaswa kuishi. Usizarau mashauri yao. Lakini utumie ile wakati juu ya kutia nguvu urafiki wako pamoja na Yehova.​—1 Samweli 2:26.

[Kisanduku]

Maulizo ya Kufikiria

Uko nafikiria kubatizwa?

Tumia maulizo na maelezo yenye iko hapa chini, juu ikusaidie kuona ikiwa uko tayari kubatizwa. Soma maandiko mbele ya kuandika majibu yako.

Uko nafanya nini kwa sasa yenye inaonyesha kama unamutumainia Yehova?​—Zaburi 71:5. ․․․․․

Namna gani umeonyesha kama unaelewa tofauti kati ya mambo ya muzuri na mambo ya mubaya?​—Waebrania 5:14. ․․․․․

Unazoea kusali? ․․․․․

Unazoa kusali juu ya mambo gani, na namna gani sala zako zinaonyesha kama unamupenda Yehova?​—Zaburi 17:6. ․․․․․

Andika hapa chini mambo ya kufanya juu sala zako zikuwe muzuri zaidi. ․․․․․

Unakuwaka na kawaida ya kujifunza Biblia kipekee?​—Yoshua 1:8. ․․․․․

Unajifunzaka juu ya mambo gani wakati wa funzo yako ya pekee? ․․․․․

Andika hapa chini mambo ya kufanya juu funzo yako ya pekee ikuwe muzuri zaidi. ․․․․․

Unafurahiaka kazi ya kuhubiri? (Kwa mufano: Unawezeka kufasiria wengine mafundisho ya musingi ya Biblia? Unarudiliaka watu wenye walipendezwa? Uko najikaza kuanzisha funzo ya Biblia?)

□ Ndiyo □ Hapana

Unaendaka mu mahubiri hata kama wazazi wako hawakusindikize?​—Matendo 5:42.

□ Ndiyo □ Hapana

Andika hapa chini mambo yenye ungependa kufanya juu namna yako ya kuhubiri ikuwe muzuri zaidi.​—2 Timoteo 2:15. ․․․․․

Unakuwaka na zoezi ya kuenda ku mikutano ao unazoeaka kukosa mikutano?​—Waebrania 10:25. ․․․․․

Unafanyaka mambo gani juu na weye ushiriki wakati wa mikutano? ․․․․․

Unaendaka ku mikutano hata kama wazazi wako hawaende (kama wanakupatia ruhusa ya kufanya vile)?

□ Ndiyo □ Hapana

Unapendaka kabisa kufanya mapenzi ya Mungu?​—Zaburi 40:8.

□ Ndiyo □ Hapana

Unakumbuka wakati fulani yenye wengine walikuchocheaka kufanya jambo ya mubaya lakini ukakatala?​—Waroma 12:2. ․․․․․

Utafanya nini juu uendelee kumupenda Yehova zaidi?​—Yuda 20, 21. ․․․․․

Utaendelea kumutumikia Yehova hata kama wazazi wako na marafiki wako wanaacha kufanya vile?​—Matayo 10:36, 37.

□ Ndiyo □ Hapana

[Picha]

Ubatizo unabadilishaka maisha ya mutu sawa vile ndoa. Mbele ya kuamua kubatizwa, unapaswa kufikiri muzuri