Juu ya nini watu wenye unaona ku picha hii ni wenye furaha? Ni juu wako ku mukusanyiko moja kati ya mikusanyiko yetu. Mungu aliamuru watumishi wake wa zamani wakuwe wanakusanyika mara tatu mu mwaka. Kama wao, tunangojea kwa hamu mikusanyiko yetu mikubwa. (Kumbukumbu la Torati 16:16) Tuko na mikusanyiko tatu mu mwaka: Mukusanyiko wa muzunguko wa siku moja wenye tunafanyaka mara mbili mu mwaka, na mukusanyiko wa eneo wa siku tatu. Mikusanyiko hiyo inatuletea faida gani?

Inafanya upendo wetu kati ya ndugu na dada ukuwe wenye nguvu. Kama vile Waisraeli walifurahia kumusifu Yehova “katika mikusanyiko,” sisi pia tunafurahia kumuabudu Mungu pamoja ku mikusanyiko hiyo. (Zaburi 26:12, maelezo ya chini; 111:1) Mikusanyiko hiyo inatutolea nafasi ya kukutana na kuwa pamoja na Mashahidi wenzetu wa makutaniko ingine ao wa inchi zingine. Ku mikusanyiko hiyo, wakati wa mapumuziko, tunakula pamoja na wengine, na jambo hilo linatusaidia tufurahie zaidi kuwa pamoja na ndugu na dada zetu. (Matendo 2:42) Tena ku mikusanyiko hiyo, tunajionea wenyewe upendo wenye unaunganisha “ushirika muzima wa ndugu” mu dunia yote.​—1 Petro 2:17.

Inatusaidia tufanye maendeleo ya kiroho. Tena, Waisraeli walikuwa wanapata faida ku mikusanyiko yao kwa sababu “walielewa maneno” ya Maandiko yenye ilikuwa inafasiriwa. (Nehemia 8:8, 12) Na sisi tunafurahia sana mafundisho ya Biblia yenye tunapata ku mikusanyiko yetu. Kichwa cha kila mukusanyiko kinategemea andiko fulani la Biblia. Tunajifunza namna ya kufanya mapenzi ya Mungu mu maisha yetu kupitia hotuba zenye kufurahisha, hotuba zenye sehemu mbalimbali, na maonyesho mbalimbali. Tunatiwa moyo wakati tunasikia ndugu na dada zetu wanafasiria namna wanaendelea kuwa waaminifu hata kama wanapambana na magumu ya siku hizi za mwisho. Ku mikusanyiko ya eneo, michezo yenye kutegemea Biblia inatusaidia tuone kabisa namna mambo yenye kuzungumuziwa mu Biblia ilifanyika na inatufundisha mambo yenye tunaweza kutumia mu maisha yetu. Tena ku kila mukusanyiko, watu wanabatizwa ili kuonyesha kama wamejitoa kwa Mungu.

• Juu ya nini wakati wa mikusanyiko yetu ni wakati wa furaha?

• Mikusanyiko yetu inatuletea faida gani?