ULIZO YA 5

Tunaweza Kuamini Mambo Yenye Biblia Inasema?

CHAGUA LUGA

Ulishakasikia mambo ya uongo juu ya mutu fulani? Pengine ulisikiaka watu wengine wako wanamusema ao kurudilia maneno yake. Wakati ulisikiaka vile, ukawaza kama ule mutu haiko mutu muzuri. Lakini wakati ulifikiaka kumujua, ukatambua kama walikuwa wanamusemea uongo. Vilevile, watu wengi waliambiwa mambo ya uongo kuhusu Biblia. Lakini, kisha kuichunguza, wakatambua kama haikukuwa vile.

Watu wengi wenye elimu wako na mawazo ya mubaya juu ya Biblia. Unajua ni juu ya nini? Ni juu mara mingi, namna watu wanazungumuzia Biblia ao kurudilia maneno yake inafanya ionekane kama Biblia haipatane na akili, haipatane na sayansi, na inayala mambo ya uongo. Inawezekana Biblia nayo watu wameisemea uongo?

akati ulikuwa unasoma hii broshua, ulishangala kuona kama mambo yenye Biblia inasema inapatana na sayansi? Watu wengi wanashangalaka kuona vile. Wanashangalaka pia kuona kama Biblia haifundishe mambo yenye dini za mingi zinafundishaka. Kwa mufano, wamoja wanasema kama Biblia inafundisha kuwa Mungu aliumba ulimwengu na vitu vyote vyenye uzima mu siku sita, na kila siku ilikuwa inafanya saa 24. Kwa kweli, Biblia haipinge mambo yenye wanasayansi wanakadiria kuhusu muda wenye ulimwengu na dunia vimefanya tangu vikuwe.

Biblia haiseme mambo mingi juu ya namna Mungu aliumba vitu vyenye uzima ku dunia, na ile inapatia watu wenye kujifunza sayansi nafasi ya kufanya uchunguzi na kutunga mawazo mbalimbali ya sayansi. Biblia inasema kama Mungu njo aliumba vitu vyote vyenye uzima na kama aliviumba “kulingana na aina zake.” (Mwanzo 1:11, 21, 24) Pengine ile mawazo inapingana na mafundisho fulani ya sayansi, lakini haipingane na mambo ya kweli yenye wanasayansi wamevumbula. Ukiangalia muzuri historia ya sayansi, utaona kama wanasayansi wanaweza kusema hivi leo, na kesho wanabadilisha mawazo yao, lakini kweli inabakiaka tu kweli, haibadilikake.

Lakini, kuko watu wengi wenye wanasita kuchunguza Biblia juu dini zimewavunja moyo. Wanaona kama dini za mingi zinayala unafiki, udanganyifu, na zinachochea vita. Lakini, ni muzuri kukatala kuchunguza Biblia juu tu watu fulani wenye wanasema kama wanaiamini wako na matendo ya mubaya? Wanasayansi wengi wamehuzunika sana kuona namna watu wenye roho ya mubaya wanatumia fundisho ya mageuzi ili kuchochea watu wakuwe na ubaguzi. Unawaza kama ni muzuri kukatala kuchunguza fundisho ya mageuzi juu tu ya matendo ya wale watu? Bila shaka, ni muzuri zaidi kuchunguza fundisho ya mageuzi na kuona ikiwa kuko mambo yenye inaonyesha kama ni ya kweli.

Tunakuomba uchunguze Biblia nayo juu ya kuona kama mambo yenye inasema ni ya kweli. Pengine utashangala kabisa kuona kama mambo yenye Biblia inasema iko tofauti sana na mambo yenye dini za mingi zinafundishaka. Kwa mufano, Biblia haituambie tujiingize mu mambo ya vita na haituambie tubague watu. Lakini, inafundisha kama watumishi wa Mungu wanapaswa kuepuka vita na hata chuki, juu ni ile chuki njo inafanyaka watu watendeane mubaya. (Isaya 2:2-4; Matayo 5:43, 44; 26:52) Biblia haituambie tukubali mawazo fulani juu tu wengine wanaikubali, ao tuamini mambo bila kuwa na ushuhuda. Lakini, inafundisha kama juu tuamini jambo fulani, inaomba kukuwe sababu yenye kuhakikisha kama ile jambo ni ya kweli. Tena, inasema kama tunapaswa kutumikisha uwezo wetu wa kufikiri wakati tuko tunamutumikia Mungu. (Waroma 12:1; Waebrania 11:1) Biblia haitukataze kutafuta kujua mambo muzuri. Lakini, inatutia njo moyo tutafute majibu ya maulizo ya maana sana yenye imehangaisha wanadamu.

Kwa mufano, pengine ulishakajiuliza hii ulizo: ‘Kama Mungu iko, juu ya nini anaachaka mambo ya mubaya itokee?’ Biblia inajibia muzuri ile ulizo, na ingine maulizo ya mingi. * Tunakutia moyo uendelee kutafuta kweli. Unaweza kupata majibu ya muzuri, yenye kufurahisha, yenye inapatana na akili, na yenye inategemea ushuhuda wa kweli. Na ile haitushangaze, juu Mungu njo aliandikishaka Biblia.

^ Ona sura ya 11 ya kitabu Biblia Inafundisha Kabisa Nini? yenye ilitolewa na Mashahidi wa Yehova.