Hapana. Tengenezo yetu haichunguzake filme, vitabu ao nyimbo zote juu ya kuona ikiwa ya wapi njo Mashahidi wanapaswa kuepuka. Juu ya nini tengenezo yetu haifanyake vile?

Biblia inashauria kila mutu azoeze ‘nguvu zake za ufahamu’ juu aweze kutofautisha mema na mabaya.​—Waebrania 5:14.

Mu Biblia muko kanuni zenye zinaweza kusaidia Mukristo achagule muzuri mambo ya kujifurahisha. a Mu mambo yote tunapaswa ‘kuendelea kuhakikisha ni nini yenye kukubaliwa kwa Bwana.’​—Waefeso 5:10.

Biblia inafundisha kama vichwa vya familia wako na mamlaka fulani. Kwa hiyo, wanaweza kuamua ni mambo gani yenye watu wa familia yao watajifurahisha nayo na mambo yenye hawatajifurahisha nayo. (1 Wakorinto 11:3; Waefeso 6:1-4) Lakini inje ya familia, hakuna mutu mwenye iko na haki ya kuambia wengine kama hawapaswe kusikiliza miziki fulani, kuangalia filme fulani, ao kuepuka muchezaji fulani ao muimbaji fulani.​—Wagalatia 6:5.