‘Lihatlah Negeri yang Baik’ mak mapa sira kona-ba Bíblia neʼebé ita bele uza bainhira estuda Bíblia mesak. Bíblia temi kona-ba fatin barak, sidade sira no mós rai oioin. Bainhira estuda hodi uza mapa sira-neʼe, neʼe bele ajuda ita atu gosta lee Bíblia no imajina istória sira husi Bíblia. ‘Lihatlah Negeri yang Baik’ sei ajuda ita imajina no hatene ho loloos fatin neʼebé temi iha Bíblia laran. Neʼe mós bele ajuda ita komprende oinsá jeografia ba fatin ida afeta akontesimentu sira iha Bíblia.

‘Lihatlah Negeri yang Baik’ mak broxura neʼebé nakonu ho mapa sira ho kór oioin no mós tabela sira ho área oioin neʼebé temi iha Bíblia laran. Broxura neʼe mós iha diagrama, foto, no buat seluk tan neʼebé bele ajuda halo fasil ita-nia estuda Bíblia.

Mapa sira kona-ba Bíblia sei ajuda ita atu

• komprende viajen neʼebé Abraão, Isaac, no Jacob halaʼo

• haree dalan neʼebé ema Izraél laʼo bá husi rai-Ejitu toʼo Rai neʼebé Maromak Promete

• kompara ema Izraél nia área ho nasaun sira neʼebé haleʼu sira

• haree área sira neʼebé Jesus haklaken bá

• komprende territóriu nia luan husi ukun boot sira neʼebé temi iha Bíblia, inklui Babilónia, Grésia no Roma

Ita bele asesu online mapa sira-neʼe ho gratuitu iha lian Indonézia.