Bíblia fó-hatene nanis katak durante loron ikus sira sei mosu moras-peste (moras neʼebé daʼet iha fatin barak, inklui pandemia sira). (Lucas 21:11) Pandemia sira-neʼe laʼós kastigu husi Maromak. Tuir loloos, liuhusi Maromak nia Ukun, nia sei halakon moras, inklui pandemia sira.

•  Bíblia fó-hatene nanis kona-ba pandemia sira ka lae?

•  Maromak kastigu ema ho moras ka lae?

•  Pandemia neʼebé akontese ohin loron mak kastigu husi Maromak ka lae?

•  Pandemia sei remata ka lae?

•  Eskritura sira kona-ba moras

 Bíblia la fó-hatene nanis ho espesífiku kona-ba pandemia ka moras ruma hanesan COVID-19, AIDS, ka gripe Españól. Maibé Bíblia fó-hatene nanis kona-ba “moras-peste”. (Lucas 21:11; Apokalipse 6:8) Akontesimentu sira-neʼe sai nuʼudar parte ba sinál husi “loron ikus sira” neʼebé Bíblia mós bolu nuʼudar “mundu neʼe nia rohan”.—2 Timóteo 3:1; Mateus 24:3.

 Bíblia konta istória balu kona-ba Maromak kastigu ema hodi uza moras. Porezemplu, nia halo ema balu hetan moras-lepra. (Números 12:1-16; 2 Reis 5:20-27; 2 Krónikas 26:16-21) Maski nuneʼe, moras neʼebé Maromak hamosu la hadaʼet arbiru ba ema hanesan pandemia. Tuir loloos moras sira-neʼe kona deʼit ema sira neʼebé hatudu ho klaru katak sira kontra Maromak.

 Lae. Ema balu dehan katak ohin loron Maromak uza pandemia no moras sira seluk atu kastigu ema. Maibé, Bíblia la apoia ideia neʼe. Tanbasá?

 Razaun ida mak, Maromak nia atan balu iha tempu uluk no agora mós hetan moras. Porezemplu, mane laran-metin ida naran Timóteo “moras beibeik”. (1 Timóteo 5:23) Maibé Bíblia la dehan katak moras neʼe mak sinál katak Maromak la gosta nia. Nuneʼe mós ohin loron, Maromak nia atan balu neʼebé laran-metin sai moras ka kona moras. Dala barak, ema sira-neʼe sai vítima husi akontesimentu neʼebé mosu derrepente deʼit.—Eclesiastes 9:11.

 Liután neʼe, Bíblia hanorin katak tempu neʼebé Maromak deside atu halakon ema aat seidauk toʼo mai. No agora daudaun, ita moris iha tempu neʼebé Bíblia bolu nuʼudar “loron salvasaun nian”, neʼe katak tempu neʼebé Maromak konvida ema hotu atu hakbesik ba nia no hetan salvasaun. (2 Korinto 6:2) Dalan ida Maromak konvida ema mak liuhusi serbisu haklaken neʼebé halaʼo iha mundu tomak atu fó sai mensajen diʼak, katak “liafuan diʼak kona-ba Maromak nia Ukun”.​—Mateus 24:14.

 Sin. Bíblia fó-hatene nanis kona-ba tempu iha futuru bainhira ema hotu la moras tan. Iha Maromak nia Ukun okos, nia sei kura moras hotu. (Isaias 33:24; 35:5, 6) Nia sei halakon terus, moras, no mate. (Apokalipse 21:4) Nia sei fó moris-hiʼas ba ema mate no sira sei moris ho saúde diʼak iha rai, no mós buat hotu sei sai perfeitu.—Salmo 37:29; Apóstolu 24:15.

 Apokalipse 6:8: “Haʼu hateke no haree kuda kamutis ida mai. Ida neʼebé saʼe kuda neʼe nia naran mak Mate. No Rate laʼo tuir nia. Sira simu podér . . . atu oho ema ho . . . moras-peste.”

 Signifika: Profesia kona-ba kuda númeru haat iha livru Apokalipse hatudu katak moras-peste akontese iha ita-nia tempu.