Saida mak Maromak nia Ukun?
Bíblia nia resposta
Maromak nia Ukun mak governu ida neʼebé Maromak Jeová mak harii. Bíblia mós bolu “Maromak nia Ukun” nuʼudar “Ukun lalehan nian” tanba sei ukun husi lalehan. (Marcos 1:14, 15; Mateus 4:17) Maromak nia Ukun iha buat barak neʼebé hanesan ho ema nia governu, maibé Maromak nia Ukun mak diʼak liu iha dalan hotu-hotu.
Ukun-naʼin. Maromak foti Jesus Kristu nuʼudar Liurai ba ninia Ukun no fó ba nia kbiit neʼebé aas liu fali ema seluk neʼebé ukun. (Mateus 28:18) Ita hatene katak Jesus uza kbiit neʼe ba buat neʼebé diʼak deʼit, tanba nia hatudu tiha ona katak nia mak Ulun-naʼin neʼebé hanoin ita no ita bele fiar nia. (Mateus 4:23; Marcos 1:40, 41; 6:31-34; Lucas 7:11-17) Tuir Maromak nia hakarak, Jesus hili ema husi nasaun hotu neʼebé “sei ukun nuʼudar liurai ba mundu tomak” hamutuk ho Jesus iha lalehan.—Apokalipse 5:9, 10.
Tempu. La hanesan ema nia governu neʼebé mosu no lakon, Maromak nia Ukun “sei hamriik ba nafatin”.—Daniel 2:44.
Sidadaun. Ema hotu neʼebé halo tuir Maromak nia hakarak bele sai sidadaun ba Maromak nia governu. Maromak la hili ema tuir fatin neʼebé sira moris ka família nia naran.—Apóstolu 10:34, 35.
Lei. Lei ka ukun-fuan husi Maromak nia Ukun laʼós bandu deʼit hahalok aat. Ukun-fuan sira-neʼe hadiʼa ema nia hahalok no morál. Porezemplu, Bíblia hatete: “‘Imi tenke hadomi Jeová, imi-nia Maromak, ho imi-nia laran tomak, ho imi-nia moris tomak no ho imi-nia neon tomak.’ Neʼe mak mandamentu neʼebé boot liu no primeiru. Ida segundu neʼebé hanesan mandamentu neʼe mak: ‘Imi tenke hadomi imi-nia maluk hanesan imi-nia an rasik.’” (Mateus 22:37-39) Domin ba Maromak no ita-nia maluk book sidadaun ba Maromak nia Ukun atu hanoin uluk ema seluk hodi ajuda sira.
Edukasaun. Maski Maromak nia Ukun iha kritéria neʼebé aas, Ukun neʼe mós hanorin ema oinsá sira bele kumpre kritéria neʼe.—Isaias 48:17, 18.
Objetivu. Ukun-naʼin sira husi Maromak nia Ukun la sai riku hodi hamatak povu sira. Liu fali neʼe, Maromak nia Ukun sei kumpre Maromak nia hakarak, neʼebé inklui promete katak ema neʼebé hadomi nia sei moris ba nafatin iha mundu paraízu.—Isaias 35:1, 5, 6; Mateus 6:10; Apokalipse 21:1-4.
Karik Ita sei gosta
HANORIN IMPORTANTE SIRA HUSI BÍBLIA
Saida mak Maromak nia Ukun?
Bainhira Jesus iha rai, nia haklaken liuliu kona-ba Maromak nia Reinu, ka Ukun. Ba tinan atus ba atus, ema halo orasaun atu Maromak nia Reinu neʼe toʼo mai.
LIVRU HAKLAKEN
Sé mak Liurai ba Maromak nia Reinu?
Maromak leno ninia atan balu atu hakerek informasaun klaru iha Bíblia atu ajuda ita hatene kona-ba sé mak sei sai Liurai iha Maromak nia Reinu, ka Ukun. Iha ema nia istória, Jesus deʼit mak kumpre kritériu atu sai Ukun-Naʼin neʼebé diʼak liu.
PERGUNTA KONA-BA BÍBLIA
Maromak nia Reinu iha Ita-nia laran ka lae?
Liafuan “Maromak ukun iha ema nia laran”, neʼe katak sá?
PERGUNTA KONA-BA BÍBLIA
Saida mak Maromak nia Reinu sei halo?
Aprende kona-ba buat neʼebé ita hein kuandu Maromak nia Governu ukun mundu tomak.
ESPLIKASAUN KONA-BA ESKRITURA
Esplikasaun kona-ba Mateus 6:33—“Buka uluk knanain Maromak nia reinu”
Jesus dehan katak ema Kristaun la presiza halo serbisu hodi buka moris ka lae?
KONA-BA AMI
Husu atu hetan vizita
Halo diskusaun kona-ba Ita-nia pergunta ruma neʼebé liga ho Bíblia, ka aprende liután kona-ba Testemuña ba Jeová.