Job 36:1-33
36 Eliú hatutan tan:
2 “Favór ida, pasiénsia uitoan tan no haʼu sei esplika ba Ita,Tanba haʼu sei iha tan liafuan atu hatoʼo hodi defende Maromak.
3 Haʼu sei koʼalia sai buat hotu neʼebé haʼu hatene,No haʼu sei fó sai katak haʼu-nia Kriadór nia hahalok mak loos.+
4 Tebes duni, haʼu la bosok,Maromak neʼebé hatene buat hotu-hotu+ mak haree hela Ita.
5 Loos duni, Maromak neʼe kbiit boot+ no nia la fila kotuk ba ema ida,Ninia kbiit atu komprende mak kleʼan tebes.
6 Nia sei la proteje ema aat nia moris,+Maibé nia sei hatudu justisa ba ema neʼebé iha terus laran.+
7 Ninia matan hateke nafatin ba ema laran-loos sira,+Nia sei husik sira tuur iha kadunan hamutuk ho liurai sira,*+ no sira tuur iha pozisaun aas ba nafatin.
8 Maibé se ema laran-loos halo sala, tan neʼe ema kaer no kesi metin sira ho korrenteNo sira terus tanba kesi metin ho tali,
9 Nia sei halo sira hatene sala saida mak sira halo,Sala sira neʼebé sira halo tanba foti an.
10 Nia loke sira-nia tilun hodi simu konselluNo nia fó-hatene sira atu hasees an husi hahalok aat.+
11 Se sira halo tuir no serbí nia,Sira-nia moris sei sai diʼak durante sira-nia loron hotu,No sira sei haksolok durante sira-nia tinan hotu.+
12 Maibé se sira la halo tuir, sira sei mate ho surik,*+No sira la iha koñesimentu bainhira sira mate.
13 Ema aat* sei rai odi.
Maski Maromak kesi metin sira, sira la halerik hodi husu ajuda.
14 Sira* mate maski sei joven hela,+Sira moris* hamutuk ho mane sira neʼebé faʼan an* iha templu.+
15 Maibé Maromak sei salva sira neʼebé iha terus laran,Nia loke sira-nia tilun bainhira ema haterus sira.
16 Ita besik atu monu ba perigu, maibé nia dada sai Ita husi neʼebá,+Nia lori Ita ba fatin luan, hodi halo Ita sente livre,+Nia fó hahán diʼak iha Ita-nia meza hodi halo Ita sente kmaan.+
17 Bainhira nia tesi-lia no halaʼo ona justisa,Ita sei sente kontente tanba ema aat neʼe hetan ona tesi-lia.+
18 Maibé kuidadu bá, labele husik Ita-nia hirus sai fali odi,*+No keta kaan atu simu prezente barak toʼo halo hahalok la loos.
19 Se Ita halerik atu husu ajudaNo hakaʼas an atu bele sees husi susar, neʼe sei halo Ita livre husi susar ka?+
20 Keta hein namanas ba kalan,Bainhira ema lakon husi sira-nia fatin.
21 Kuidadu bá, keta halo hahalok aat,Keta hili atu halo hahalok aat duké tahan susar.+
22 Maromak mak kbiit boot liu,Mestre ida-neʼebé mak hanesan ho nia?
23 Sé mak bele hatudu dalan ba nia*+Ka dehan ba nia: ‘Buat neʼebé Ita halo neʼe la loos’?+
24 Hanoin-hetan atu fó hahiʼi ba ninia hahalok sira,+Ninia hahalok neʼebé ema temi ona iha sira-nia knananuk.+
25 Ema hotu-hotu haree ona ninia hahalok,Sira nafatin hateke husi dook.
26 Loos duni, Maromak boot tebes toʼo ita labele hatene,+Ninia tinan sira barak tebes toʼo sura labele.*+
27 Nia dada bee turuk ida-idak saʼe ba leten,+Sira sai fali abuabu no udan,
28 Tan neʼe kalohan sira fakar tun bee,+No bee neʼe tun ba ema hotu.
29 Sé mak bele komprende oinsá kalohan sira namkari,No rai-tarutu sai husi Maromak nia tenda?*+
30 Haree toʼok oinsá nia halo rai-lakan naroman+ iha kalohan sira-nia leten,No nia taka tasi okos ho bee.
31 Ho buat sira-neʼe, nia tau matan ba povu sira,*Nia fó ai-han barak tebetebes ba sira.+
32 Nia kaer rai-lakan ho ninia liman,No tuda rai-lakan neʼe kona loos buat neʼebé nia hakarak.+
33 Ninia rai-tarutu fó sai kona-ba nia,Animál-hakiak mós fó-hatene kona-ba sé* mak atu mai.
Nota-rodapé
^ Ka karik “Nia fó kadunan ba liurai sira”.
^ Ka “ho armas; rama”.
^ Ka “ema neʼebé la laran-metin ba Maromak”.
^ Haree “Nefes” iha Glosáriu.
^ Ka karik “Sira mate”.
^ Ka “ho prostitutu sira”. Neʼe katak mane neʼebé halo prostituisaun neʼebé liga ho adorasaun falsu.
^ Ka “labele husik hirus halo Ita basa liman tanba odi”.
^ Ka karik “kritika ninia hahalok; husu nia atu esplika ninia hahalok”.
^ Ka “ema labele komprende”.
^ Orj., “barraka”.
^ Ka karik “nia defende povu nia kazu”.
^ Ka karik “saida”.
