Salmo 46:1-11
Ba dirijente. Kora nia oan-mane sira-nia knananuk.+ Atu akompaña ho lian Alamot.*
46 Maromak mak ita-nia fatin protesaun no ita-nia kbiit,+Ita sempre hetan ajuda husi nia iha tempu susar.+
2 Tan neʼe mak ita sei la sai taʼuk, maski rai neʼe nakdoko,Maski foho sira monu tun ba tasi okos,+
3 Maski tasi siʼak no laloran nafurin,+Maski foho sira nakdoko tanba tasi nia siʼak. (Sela)
4 Iha mota ida no ninia bee-dalan sira halo Maromak nia sidade haksolok,+Maromak neʼebé Aas Liu Hotu nia tenda santu neʼebé kmanek.
5 Maromak hela iha sidade neʼe;+ sidade neʼe labele naksobu.
Maromak sei ajuda nia bainhira rai naroman.+
6 Nasaun sira la hakmatek, ukun sira sai la metin;Maromak hasai lian makaʼas, no rai sai nabeen tiha.+
7 Jeová neʼebé ukun tropa lalehan nian hamutuk ho ita;+Jacob nia Maromak mak ita-nia fatin protesaun* neʼebé seguru. (Sela)
8 Mai no haree Jeová nia serbisu sira,Haree oinsá nia halo ona buat kmanek sira iha rai.
9 Nia sei hapara funu sira iha mundu tomak.+
Nia halo tohar rama no harahun diman;Nia sunu kuda-karreta funu nian.*
10 “Rende an bá no hatene bá katak haʼu mak Maromak.
Haʼu sei hetan hahiʼi iha nasaun sira-nia leet;+Haʼu sei simu hahiʼi iha rai.”+
11 Jeová neʼebé ukun tropa lalehan nian hamutuk ho ita;+Jacob nia Maromak mak fatin protesaun neʼebé seguru ba ita.+ (Sela)
