Salmo 62:1-12
Ba dirijente: Ho melodia Jedutum.* David nia knananuk.
62 Haʼu hein deʼit ba Maromak ho pasiénsia.*
Haʼu-nia salvasaun mai husi nia.+
2 Nia mak haʼu-nia fatuk boot no haʼu-nia salvasaun, haʼu-nia fatin protesaun* neʼebé seguru;+Haʼu sei nunka sidi no monu.+
3 Toʼo bainhira mak imi sei asalta mane ida atu oho nia?+
Imi hotu mak perigozu tebes hanesan moru neʼebé haliʼis,* moru fatuk neʼebé atu monu namtate.
4 Tanba sira koʼalia hamutuk atu hatún nia husi ninia pozisaun aas;*Sira gosta tebes koʼalia lia-bosok.
Sira fó bensaun ho sira-nia ibun, maibé iha laran sira fó-malisan.+ (Sela)
5 Neʼe duni, haʼu hein deʼit ba Maromak ho pasiénsia*+Tanba haʼu-nia esperansa mai husi nia.+
6 Nia mak haʼu-nia fatuk boot no haʼu-nia salvasaun, haʼu-nia fatin protesaun neʼebé seguru;Haʼu sei nunka sidi.+
7 Haʼu-nia salvasaun no haʼu-nia glória depende ba Maromak.
Maromak mak haʼu-nia fatuk boot neʼebé forte, haʼu-nia fatin protesaun.+
8 Oh povu sira, tau fiar ba nia iha tempu hotu.
Fakar sai imi-nia laran iha ninia oin.+
Maromak mak fatin protesaun ba ita.+ (Sela)
9 Ema mak hanesan iis neʼebé ema huu sai,Ema mak fatin protesaun neʼebé falsu.+
Se tau sira hamutuk iha dasin, sira kmaan liu fali anin.+
10 Keta hanoin katak ó bele hetan susesu hodi hamatak ema.Keta tau esperansa ba buat neʼebé ó naʼok.
Se ó-nia rikusoin aumenta, keta tau ó-nia laran ba ida-neʼe.+
11 Dala rua ona haʼu rona Maromak dehan:
Kbiit mak Maromak nian.+
12 No mós, domin neʼebé laran-metin mak Ita-nian, oh Jeová,+Tanba Ita selu fali ba ema ida-idak tuir sira-nia hahalok.+
Nota-rodapé
^ Ka “ho nonook”.
^ Ka “fatin aas”.
^ Ka karik “Imi hotu halo nuneʼe ba nia, nia hanesan moru neʼebé haliʼis”.
^ Ka “ninia dignidade”.
^ Ka “ho nonook”.
