Ami agradese tebes tanba Ita uza tempu atu estuda broxura neʼe hodi buka-hatene liután kona-ba ami, ami-nia atividade sira, no oinsá ami-nia organizasaun halaʼo Maromak nia serbisu. Ami hein katak broxura neʼe ajuda Ita atu hatene katak ami mak povu neʼebé halo Maromak Jeová nia hakarak ohin loron. Ami anima Ita atu kontinua aprende kona-ba Maromak, fó-hatene ba Ita-nia família no kolega sira kona-ba buat neʼebé Ita aprende, no halibur beibeik ho ami iha ami-nia reuniaun sira.​—Ebreu 10:23-25.

Bainhira Ita aprende liután kona-ba Maromak Jeová, Ita sei haree katak nia hadomi tebes Ita. Ida-neʼe sei book Ita atu hakaʼas an hatudu fali domin ba Maromak. (1 João 4:8-10, 19) Maibé oinsá mak Ita bele hatudu Ita-nia domin ba Maromak iha Ita-nia moris? Tanbasá mak diʼak atu halo tuir Maromak nia matadalan sira? No saida mak sei book Ita atu hakarak serbí Maromak hamutuk ho ami? Ema neʼebé estuda Bíblia ho Ita sei kontente atu ajuda Ita hetan resposta ba pergunta sira-neʼe. Hodi nuneʼe, Ita no Ita-nia família bele “hela nafatin iha Maromak nia domin no hein . . . atu hetan moris rohan-laek”.​—Judas 21.

Ami konvida Ita atu kontinua aprende kona-ba lia-loos hodi estuda livru Oinsá atu Hela iha Maromak nia Domin.