ESKRITURA husi Gênesis (Kejadian) 22:6 hatete katak bainhira Abraão prepara atu hasaʼe ninia oan-mane nuʼudar sakrifísiu iha fatin dook ida, nia “foti ai neʼebé atu uza ba sakrifísiu sunu nian no tau neʼe iha Isaac nia kabaas. Tuirmai nia foti ahi no tudik iha nia liman, no sira naʼin-rua laʼo bá hamutuk”.

Bíblia la esplika ema uza saida atu sunu ahi iha tempu antigu. Maibé karik ahi neʼebé temi iha eskritura neʼe koʼalia kona-ba buat ruma neʼebé uza atu halo lakan ahi. Tanba matenek-naʼin ida hatete katak viajen neʼebé Abraão no Isaac halo naruk uitoan, tan neʼe sira la bele lori ahi neʼebé lakan ba tempu kleur.

Maibé ema balu dehan katak la fasil atu sunu ahi iha tempu antigu. Iha tempu neʼebá, ema sente fasil liu atu foti deʼit anar husi viziñu hodi sunu duké sunu ahi neʼe rasik. Matenek-naʼin barak fiar katak buat neʼebé Abraão lori mak sanan-rai neʼebé tara ho korrente no nia tau anar nia klaak foti husi ahi neʼebé nia sunu husi horikalan. (Isaías [Yesaya] 30:14) Anar neʼebé klaak hela no tau iha fatin hanesan neʼe bele halo ahi lakan lalais deʼit se ema uza ai-sanak ka duʼut maran.