Sé mak Maromak neʼebé loos?
Ema barak hatete katak sira fiar ba Maromak. Maibé kuandu Ita husu sé mak Maromak neʼebé loos, Ita sei hetan resposta neʼebé la hanesan. Ema balu fiar katak Maromak ho laran-aat tesi-lia no gosta kastigu ema. Ema seluk fiar katak Maromak sempre hadomi no fó perdua, maski buat neʼebé sira halo mak aat tebes. Maibé ema seluk fali fiar katak Maromak dook tebes husi ita no la hanoin ita. Opiniaun oioin hanesan neʼe, bele halo ema barak sente susar atu hatene kona-ba Maromak neʼebé loos.
Importante ka lae atu hatene kona-ba Maromak? Sin, importante duni. Hodi hatene didiʼak Maromak, Ita-nia moris sei sai kontente liu. (Apóstolu 17:26-28) Kuandu Ita hakbesik liután ba Maromak, nia sei hadomi liután Ita no prontu atu ajuda Ita. (Tiago 4:8) Razaun importante liu mak, hodi hatene didiʼak Maromak bele ajuda ita atu moris ba nafatin.—João 17:3.
Oinsá mak Ita bele hatene kona-ba Maromak? Hanoin toʼok kona-ba ema neʼebé ita koñese didiʼak, hanesan belun ida. Oinsá mak imi bele sai belun? Primeiru, Ita presiza hatene ninia naran, ninia hahalok, buat neʼebé nia gosta no la gosta, no mós buat neʼebé nia halo ona, ninia planu sira, no buat seluk tan. Hodi aprende kona-ba nia, ajuda Ita hakbesik ba nia.
Nuneʼe mós, ita bele hatene Maromak liuhusi buat tuirmai:
Livru neʼe fó sai Bíblia nia resposta ba pergunta sira-neʼe. Informasaun iha livru neʼe sei ajuda Ita aprende kona-ba sé mak Maromak neʼebé loos no benefísiu saida mak Ita bele hetan se Ita hakbesik ba Maromak.
Karik Ita sei gosta
LIVRU HAKLAKEN
Maromak iha naran ka lae?
Ita hatene ka lae katak Maromak nia naran hatudu sai ninia identidade?
