Maromak hanoin Ita
BÍBLIA mak livru neʼebé fó sai matadalan neʼebé diʼak liu hotu, tanba neʼe mak Maromak nia Liafuan. Maski Bíblia laʼós livru médiku, maibé neʼe bele ajuda ita oinsá atu tahan situasaun susar, kontrola ita-nia hanoin, sentimentu triste, no problema ho saúde fíziku no mentál.
Importante liu mak Bíblia ajuda ita fiar katak ita-nia Kriadór, Maromak Jeová, a komprende ita-nia hanoin no sentimentu diʼak liu fali ema seluk. Nia kontente atu ajuda ita tahan hasoru susar naran deʼit. Porezemplu, haree toʼok eskritura rua neʼebé fó kmaan:
“Jeová besik ema sira neʼebé laran-kanek; nia salva sira neʼebé laran-triste.”—SALMO 34:18.
“Haʼu, Jeová, ó-nia Maromak, mak kaer ó-nia liman-loos, haʼu dehan ba ó: ‘Keta taʼuk. Haʼu sei ajuda ó.’”—ISAIAS 41:13.
Maibé oinsá mak Jeová ajuda ita tahan hasoru problema ho saúde mentál? Hanesan ita sei haree iha informasaun tuirmai, Jeová hatudu katak nia hanoin ita iha dalan oioin.
a Jeová mak Maromak nia naran.—Salmo 83:18.
