Naho henteagne ty rehake grike nadika tihoe “fiangonagne” amy Baiboly ao, le tsy i tragnoy ty tea’e ho rehafegne fa ty ndaty maromaro miarake mivavake ao.

 Naho fa nanoratse hoahy ty Kristiana ta Roma tagne ohatse, ty apostoly Paoly, le nanao mampamangy ty mpivaly atao tihoe Akoila naho Prisila. Hoe ka reke: “Mampamangy amy ty fiangonagne an-tragno iareo mirovaly ao.” (Romanina 16:5) Tsy i tragnoy areke ro natao i Paoly veloma fa o ndaty niarake nivavake tao reo. a

 Tsy atao’ay tihoe fiangonagne areke ty toeragne fivavaha’ay, fa atao tihoe “Anjomba i Fanjakagney.”

 Intoagne ty anto’e:

•   Tragno ndra toeragne tsotra ty ivoria’ay.

•   Ao zahay ro mivavake amy i Jehovah, i Andrianagnahare nagnomey o Baibolioy. Tsy vita izay fa Vavolombelo’e zahay, le mirehake ty miomba aze ka naho fa ao.​—Salamo 83:18; Isaia 43:12.

•   Ao zahay ro mianatse miomba ty Fanjakàn’Andrianagnahare, i nitorie i Jesosy avaoy.​—Matio 6:9, 10; 24:14; Lioka 4:43.

 Manasa azo zahay mba hitilike ty Anjomba i Fanjakagney marine azo. Amy izay, le ty vatan-tegna’o ro hahatrea tie manao akore ty fivoriagne atao’ay ao.