Aha’a. Mitory isan-tragno mateteke zahay Vavolombelo i Jehovah. Faie tsy mieretseretse zahay tie tsy maintsy ho voavonje satria manao izay. (Efesianina 2:8) Ino ty anto’e?

 Eretsereto moa ty ohatse raike toy: Misy lahilahy raike soa fagnahy mampitamà fagnomezagne lafo vily hoahy ze avy amy ty toeragne raike, amy ty lera nimei’e. Naho tena mino ze fampitamà’e zay rehe, le azo antoke fa ho avy agne. Tsy maintsy horehafe’o ka ty nama’o naho ty longo’o amy izay ka iareo mahazo i lokay. Faie tsy ty fagnoriha’o ty reha i lahilahỳ ro hahazoa’o i fagnomezagney fa noho ireke soa fagnahy.

 Manahake izay ka fa mampitamà ty Andrianagnahare tie hiaigne nainai’e ze mankatò aze. (Romanina 6:23) Mino izay zahay, le mikezake mirehake izay amo o ndatio. Ty anto’e tea’ay hiaigne nainai’e ka iareo. Faie tsy mieretseretse zahay tie tsy maintsy ho voavonje satria mitory. (Romanina 1:17; 3:28) Ty anto’e tsy fagneva ty hahazo ze fitahiagne boake aman’Agnahare zay tikagne olombelogne ndra inogn’ino ty raha ataontikagne. “Tsy noho ty nanoantika ze mahitsy” ty anto’e hamonjeagne antikagne fa “noho ty famindram-po’e.”​—Titosy 3:5.