Talily Soa Nisorate i Lioka 3:1-38
3 Tamy ty taogne faha-15 nanjakà i Tiberio Kaisara, le i Pontio Pilato ty governora i Jodia, le i Heroda ty lahibeim-paritse tamy ty faritse i Galelia, le i Filipo ty lahibeim-paritse tamy ty faritse i Itoria naho i Trakonitisy, le i Lizania ty lahibeim-paritse tamy ty faritse i Abilena,
2 le i Anasy naho i Kaiafa ty mpisorombey. Tamy izay ty Jaona ana i Zakaria ro nahazo hafatse boake aman’Agnahare, tamy ie tam-patrambey agney.
3 Nandeha tamy ty faritse nagneragne i Jordana areke reke, le nitory tamo o ndatio fa toko’e hatao badisa iareo mba hanoroa iareo tie mibebake, amy izay iareo mahazo famelan-keloke.
4 Niseho ze raha zay, amy izay tanterake i raha voasoratse amy i boke i Isaia mpaminany ao tihoey tie: “Inay ty feo o ndaty mikoike am-patrambey agne manao tihoe: ‘Omano ty lala i Jehovah. Anò mahitsy i lala’ey.
5 Holembefagne tane ze vavasaka, le ze vohitse naho haboagne hatao tane mira. Hatao mahitsy ze lalagne miolakolake, le ze misy lavadavake harenegne soa.
6 Ty ndaty* iaby ka hahatrea ty fagnavotan’Agnahare.’”
7 Le nirehake tamy i vahoake nimbama’e mbeo mba hatao’e badisa rey reke tie: “Inareo foko o meregne misy poizigneo, ia o nampitao anareo mba tsy hotra ty havigneran’Agnahareo?
8 Atorò’areo amy ty raha atao’areo areke tie mibebake vata’e nareo. Ao nareo tsy hirehake tie: ‘Izahay anio ana i Abrahama!’ Rehafeko ama’areo, fa hain’Agnahare ty magnova ty vato retiagne hanjare ho ana i Abrahama.
9 Naho ty maregne, le fa am-poto i hataey eo i famakỳ. Ze hatae tsy mamoa voa soa areke, le hofiraegne sady hatorake agnate afo ao.”
10 Le hoe ty niontane i vahoakey aze: “Ino areke ty toko’e hatao’ay?”
11 Hoe reke tamy iareo: “Ze managne akanjo roe, toko’e hagnomey ze tsy managne. Le ze manan-kanegne ka, toko’e hagnomey ze tsy managne.”
12 Ndra o mpitake hetrao ka aza, le nimbama’e mbeo mba hatao’e badisa. Le hoe iareo tama’e: “O mpagnanatse, ino ty toko’e hatao’ay?”
13 Le hoe reke tamy iareo: “Ze hetra toko’e haloa o ndatio avao ro takeo’areo fa ko aonjogne.”
14 Le hoe ka ty niontane o maramilao aze: “Ino ty toko’e hatao’ay?” Le hoe reke tamy iareo: “Ko magnampatse fahefagne mba hahazoam-bola, ndra manao dramotse, fa mikezaha hionogne amy ty karama’areo.”
15 Fa nandindìgne avao ty hiavia i Kristy o ndatio, le hoe iareo miomba i Jaona: “Va’e ireke varagne o Kristio?”
16 Hoe areke ty Jaona tamy iareo: “Iraho manao badisa anareo amy ty rano. Fa i ho avy afarako zay mahery amboneko, le ndra iraho aza tsy fagneva ty hagnafake ty kapa’e. Hanao badisa anareo amy ty fagnahy masigne naho amy ty afo reke.
17 Fa an-tagna’ey i fitaovagne fikororohagney mba hagnaliova’e i toeragne famofoham-barey. Le havori’e an-driha’e ao ze vare, fa i kafo’ey reketse i taho’ey horoa’e amy ty afo tsy mete mate.”
18 Nagnomey iareo torohevetse maro hafa ka reke, sady nagnambara tamy iareo lognandro i talily soay.
19 Fa i Heroda lahibeim-paritse nanare’e mafe noho ty amy i Herodiasy valy i rahalahi’ey naho amy ty raha raty hafa natao’e iaby.
20 Ndra tie fa nanao o raha raty rehoe aza reke, le mbe ginadra’e ka ty Jaona.
21 Naho fa natao badisa o ndatio, le natao badisa ka ty Jesosy. Tamy i Jesosy nivavakey, le nisokake i lagnitsey,
22 sady nizotso manahake o voromahilalao tambone’e teo i fagnahy masigney. Nisy fiaragnanagne boake an-dagnitse agne ka nanao hoe izao: “Irehe i Anak’isokoy. Tena mahafale ahy ze raha atao’o.”
23 Telopolo taogne eo ho eo ty Jesosy tamy ireke nanomboke nanao ty asa fanompoa’ey. Arake ty fahaia o ndatio aze, le ana-dahyi Josefa reke,i Josefa ana i Hely,
24 i Hely ana i Matata,i Matata ana i Levy,i Levy ana i Melky,i Melky ana i Janay,i Janay ana i Josefa,
25 i Josefa ana i Matatiasy,i Matatiasy ana i Amosa,i Amosa ana i Nahoma,i Nahoma ana i Esly,i Esly ana i Nagay,
26 i Nagay ana i Mata,i Mata ana i Matatiasy,i Matatiasy ana i Semey,i Semey ana i Joseka,i Joseka ana i Joda,
27 i Joda ana i Joanana,i Joanana ana i Resa,i Resa ana i Zerobabela,i Zerobabela ana i Sealtiela,i Sealtiela ana i Nery,
28 i Nery ana i Melky,i Melky ana i Ady,i Ady ana i Kosama,i Kosama ana i Elmadama,i Elmadama ana i Era,
29 i Era ana i Jesosy,i Jesosy ana i Eliezera,i Eliezera ana i Jorima,i Jorima ana i Matata,i Matata ana i Levy,
30 i Levy ana i Simeona,i Simeona ana i Jodasy,i Jodasy ana i Josefa,i Josefa ana i Jonama,i Jonama ana i Eliakima,
31 i Eliakima ana i Melea,i Melea ana i Mena,i Mena ana i Matata,i Matata ana i Natana,i Natana ana i Davida,
32 i Davida ana i Jese,i Jese ana i Obeda,i Obeda ana i Boaza,i Boaza ana i Salmona,i Salmona ana i Nasona,
33 i Nasona ana i Aminadaba,i Aminadaba ana i Arny,i Arny ana i Hezrona,i Hezrona ana i Pereza,i Pereza ana i Joda,
34 i Joda ana i Jakoba,i Jakoba ana i Isaka,i Isaka ana i Abrahama,i Abrahama ana i Tera,i Tera ana i Nahora,
35 i Nahora ana i Seroga,i Seroga ana i Reo,i Reo ana i Pelega,i Pelega ana i Ebera,i Ebera ana i Sela,
36 i Sela ana i Kenana,i Kenana ana i Arpaksada,i Arpaksada ana i Sema,i Sema ana i Noa,i Noa ana i Lameka,
37 i Lameka ana i Metosela,i Metosela ana i Enoka,i Enoka ana i Jareda,i Jareda ana i Mahalalila,i Mahalalila ana i Kenana,
38 i Kenana ana i Enosa,i Enosa ana i Seta,i Seta ana i Adama,i Adama anan’Agnahare.
Fagnamarehagne ambane peje
^ Abt: “nofotse.”
