Fitantaragne amy Baiboly ao afake magnampe:

• Mpto 12:1-8: Nampiasa saren-drehake ty Solomona Mpanjaka tamy ty poezỳ natao’e mba hirehafagne ty raha miseho amy ty ndaty antetse. Agnisa izay tihoe tsy le mahavazoho soa (“haiegne ze hentea ty ampela magnente an-dafinete eo”) naho tsy le mahaonigne soa (“ho ambane ty feo ze ampela mpihira iaby”)

Fitantaragne amy Baiboly ao afake magnampe:

• 1Sa 12:2, 23: Fa niantetse ty Samoela mpaminany faie mbe tena nilahibey tama’e avao ty nivavake mba hahasoa ty vahoa i Jehovah

• 2Sa 19:31-39: Nankasitrake i Barzilay ty Davida noho ireke tsy nivalike ndra tie fa nibey taogne aza. Nasae i Davida areke reke mba hanao fanompoagne a Jerosalema agne. Faie niambane ty Barzilay le tsy nimete, satria taka’e fa voafetra avao ty raha vita’e

• Sl 71:9, 18: Nisy fotoagne ty Davida natahotse ty tsy hampiasae i Jehovah sasa noho ireke fa nibey taogne. Faie nihalale mafe tamy i Jehovah reke mba hahazo hery hahafaha’e mampianatse ty tarana’e miomba i Jehovah

• Lk 2:36-38: Nahazo fitahiagne ty Ana mpaminanivave, i ampela vantotse fa bey taogney, satria tsy nivalike sady nahafoe tegna

 Fitantaragne amy Baiboly ao afake magnampe:

• Ge 12:1-4: Nahazo fanendreagne lahibey nagnova ty fiaigna’e ty Abrahama tamy ireke ni-75 taogne

• Da 10:11, 19; 12:13: Nisy anjely nitilike aze ty Daniela tamy ireke ni-90 taogne mba hagnomey toky aze tie tena sarobily amy i Jehovah reke sady hovalean-tsoa ty tsy fivaliha’e

• Lk 1:5-13: Nitahie i Jehovah ty Zakaria naho i Elizabeta satria ndra tie fa niantetse iareo, le mbe afake niterake i Jaona

• Lk 2:25-35: Nimea i Jehovah tombotsoa hahatrea ty hiterahagne i Mesia ty Simeona bey taogne, sady afake naminany miomba aze

• As 7:23, 30-36: Natokisa i Jehovah ty Mosesy ndra tie fa ni-80 taogne aza, le tinendre’e hitarike o Israelitao

Fitantaragne amy Baiboly ao afake magnampe:

• Ge 45:9-11; 47:12: Nagnampe naho nikarakara i Jakoba rae’e fa bey taogne ty Josefa. Nanao izay avao reke amparake ty nimatezan-drae’e

• Rt 1:14-17; 2:2, 17, 18, 23: Trea tamy ty raha rineha i Rota naho ty raha natao’e fa nanohagne i Naomy bey taogne reke

• Jn 19:26, 27: Naho fa nipehegne tamy i hazo fijaleagney tey ty Jesosy, le nankine’e tamy i Jaona apostoly tena tea’e ty fikarakaragne an-drene’e