Hagnente ty agnate’ao

Hizilike amy ty lohahevetse

Hizilike (opens new window)
Hipay JW.ORG

Torohevetse

Torohevetse

Naho fa misy magnomey torohevetse antika

Nagnino tika ro toko’e hipay torohevetse boake amy Baiboly ao?

Sl 32:8; Oh 15:22; 19:20; 20:18

Henteo ka ty Oh 11:14; Is 28:29; Je 32:19

Misy ndaty ila’e magnamaren-tegna naho fa omeagne torohevetse. Faie nagnino ro ilaegne ty mitsanogne i torohevetsey?

Oh 12:15; 29:1

Henteo ka ty Oh 1:23-31; 15:31

  • Fitantaragne amy Baiboly ao afake magnampe:

    • 1Sa 15:3, 9-23: Nagnamaren-tegna ty Saoly Mpanjaka, le nandietse ty torohevetse nimeagne aze naho fa nahitsy i Samoela Mpaminany. Niliere i Jehovah ka reke voka izay

    • 2Ta 25:14-16, 27: Nimea i Mpaminany i Jehovah-y torohevetse ty Amazia Mpanjaka mba hagnitsiagne aze noho ireke nanota, faie niliere’e i fagnitsiagney. Ty voka’e, tsy nankasitrake aze ty Jehovah sady tsy niaro aze

Nagnino tika ro toko’e hagnaja naho hankatò o mpiandraikitseo?

1Te 5:12; 1Ti 5:17; He 13:7, 17

  • Fitantaragne amy Baiboly ao afake magnampe:

    • 3Jn 9, 10: Nagnameloke i Diotrefa ty apostoly Jaona satria tsy nagnaja ty mpitarike tamo o fiangonagne Kristianao eo reke

Nagnino tika ro toko’e hitsanogne ty toroheve o ndaty beio?

Le 19:32; Oh 16:31

Henteo ka ty Jb 12:12; 32:7; Tit 2:3-5

  • Fitantaragne amy Baiboly ao afake magnampe:

    • 1Sa 23:16-18: Nagnampe i Davida Mpanjaka hatoky i Jehovah ty nifitsanogna’e ty torohevetse nimey i Jonatana aze. Fa zoke i Davida 30 taogne o lahilahy iohoeke

    • 1Mp 12:1-17: Tsy nagnorike ty torohevetse soa nimey i ndaty fa bey rey aze ty Rehoboama Mpanjaka, fa le hamake reke nagnorike ty torohevetse raty nimea o tanorao aze. Nagnoho-doza aze ze raha zay

Ino ty manoro tie sambe afake magnomey torohevetse soa iaby ty ampela naho ty tanora matotse manompo i Jehovah?

Jb 32:6, 9, 10; Oh 31:1, 10, 26; Mpto 4:13

Henteo ka ty Sl 119:100

  • Fitantaragne amy Baiboly ao afake magnampe:

    • 1Sa 25:14-35: Niaro fiay o ndaty maro sady nahavy i Davida tsy ho meloke ho nampitén-dio ty torohevetse nimea i Abigaila aze

    • 2Sa 20:15-22: Ty torohevetse nimea ty ampela raike hendre ta Abela tao, ty nahavy ty ndaty tamy i tanàgney ao ho avotse

    • 2Mp 5:1-14: Nisy lahilahy raike mpialy mahery niazo ty habokagne. Nagnomey soso-kevetse aze i ajaja ampela Israelitay mba hagnampeagne aze ho sitragne

Nagnino tika ro tsy toko’e hitsanogne ty toroheve ty ndaty tsy mankatò i Jehovah ndra ty Saontsi’e?

Sl 1:1; Oh 4:14

Henteo ka ty Lk 6:39

  • Fitantaragne amy Baiboly ao afake magnampe

    • 1Ta 10:13, 14: Tsy nankatò i Jehovah ty Saoly Mpanjaka fa le hamake reke nangatake soso-kevetse boake amo o ambiasao. Nimate reke voka izay

    • 2Ta 22:2-5, 9: Nimate ty Ahazia Mpanjaka satria nagnorike ty toroheve o ndaty ratio

    • Jb 21:7, 14-16: Tsy nitsanognà i Joba ty toroheve ty ndaty tsy mankatò i Jehovah

Naho fa hagnomey torohevetse

Nagnino ro ilaegne ty mitsanogne soa heike sady mikezake hahafantatse ty raha misy, aloha ty hagnomey torohevetse?

Oh 18:13, 17

Henteo ka ty Oh 25:8

  • Fitantaragne amy Baiboly ao afake magnampe:

    • 1Sa 1:9-16: Tsy nahatakatse soa ty raha nahazo i Hana heike ty Ely Mpisorom-bey, le nitsaratsara sady nagnomey rehake mafe aze. Faie naho fa nitsanogna’e soa reke, le nihai’e tie tsy mamo o ampela tsy nivalike iohoe

    • Mt 16:21-23: Tsy nahatakatse soa ty raha nisy ty Petera, le torohevetse mampifale i Satana ty nimea’e i Jesosy fa tsy ty hampifale i Jehovah

Nagnino tika ro mila mangatake ty tari-dala i Jehovah heike aloha ty hagnomey torohevetse?

Sl 32:8; 73:23, 24; Oh 3:5, 6

  • Fitantaragne amy Baiboly ao afake magnampe:

    • Ek 3:13-18: Nagnontane i Jehovah ty Mosesy mba hahafantara’e ty fomba hamahagne ty ola o Israelitao

    • 1Mp 3:5-12: Noho i Solomona Mpanjaka mbe nitanora, le nangatake fahendreagne tamy i Jehovah reke fa tsy natoky tegna. Nitahy aze ty Jehovah voka izay

Nagnino ty torohevetse meintika ro toko’e hifototse amy ty Baiboly?

Sl 119:24, 105; Oh 19:21; 2Ti 3:16, 17

Henteo ka ty De 17:18-20

  • Fitantaragne amy Baiboly ao afake magnampe:

    • Mt 4:1-11: Trea tie ty Saontsin’Andrianagnahare ty nifotora ty toin-dreha i Jesosy naho fa namale i tsapa i heve i Satanay reke, fa tsy ty fahaia’e manokagne

    • Jn 12:49, 50: Fitsikombe soa ho antika ty Jesosy satria nifototse tamy ty fampianara i Jehovah ty raha nampianare’e

Nagnino tika ro toko’e haleme fagnahy naho hipay fomba hideragne ty hafa naho fa hagnomey torohevetse?

Ga 6:1; Kl 3:12

Henteo ka ty Is 9:6; 42:1-3; Mt 11:28, 29

  • Fitantaragne amy Baiboly ao afake magnampe:

    • 2Ta 19:2, 3: Ndra tie nahitsy i Jehovah tamy ty alala ty mpaminani’e aza ty Josafata Mpanjaka, le mbe niderae’e avao ka tamy raha soa nivita’e

    • Ap 2:1-4, 8, 9, 12-14, 18-20: Nidera i fiangonagne maromaro rey heike ty Jesosy vaho izay nagnomey torohevetse iareo

Naho misy rahalahy ndra rahavave raike mirehake amantika tie nisy mpiara-manompo nanao raha nahaboseke aze, le nagnino ro soa naho risihegne mba hagnatogne i mpiara-manompoy reke?

Mt 18:15-17; Lk 17:3

Henteo ka ty Le 19:17

Naho misy rahalahy ndra rahavave raike mahatsapa ho nihara ty tsy rare’e, le akore ty agnampeantika aze mba hamindra fo, hanam-paharetagne naho hamela heloke?

Mt 18:21, 22; Mr 11:25; Lk 6:36; Ef 4:32; Kl 3:13

Henteo ka ty Mt 6:14; 1Ko 6:1-8; 1Pe 3:8, 9

  • Fitantaragne amy Baiboly ao afake magnampe:

    • Mt 18:23-35: Nampiasa fagnoharagne tena mete soa ty Jesosy mba hampianaragne antika fa tena lahibey ty mamela heloke

Nagnino tika ro tsy toko’e hatahotahotse hagnomey torohevetse naho fa misy ndaty mandika ty fitsipy i Jehovah?

Sl 141:5; Oh 17:10; 2Ko 7:8-11

  • Fitantaragne amy Baiboly ao afake magnampe:

    • 1Sa 15:23-29: Tsy natahotse ty hagnomey torohevetse i Saoly Mpanjaka ty Samoela mpaminany

    • 1Mp 22:19-28: Ndra tie nampitahore i Ahaba Mpanjaka sady nampijale’e aza ty Mikaia Mpaminany, le mbe nagnomey fampitandremagne aze avao

Naho fa hagnomey torohevetse ndaty raike tika, akore ty ataontika mba tsy hanimba ty ara-pagnahi’e?

He 12:11-13

  • Fitantaragne amy Baiboly ao afake magnampe:

    • Lk 22:31-34: Ndra tie nanao fahadisoagne lahibey aza ty apostoly Petera, le natoky ty Jesosy fa hovita’e ty hagnitsy i fahadisoa’ey naho hanohy hanompo i Jehovah avao sady hagnampe ty hafa

    • Flm 21: Natoky ty apostoly Paoly fa hagnorike ty toroheve’e ty Filemona satria izay ty zoton’arofo i Jehovah

Ino ty hagnampe antika ho soa fagnahy naho fa magnomey torohevetse ty ndaty kivy ndra mikorotan-tsaigne?

Kl 3:12; Jk 5:14-16; 1Pe 3:8

Akore ty ampisehoantika amy ty ndaty raike nanota fa ty hagnampe aze hifandrambe soa amy i Jehovah indraike ty tanjontikagne?

Ga 6:1; Ef 4:32

Akore ty anoroantikagne amy ty ndaty magnomey torohevetse antika fa magnaja aze tika ndra zaintika reke ndra zokentika, ndra lahilahy ndra ampela?

1Ti 5:1, 2

Naho fa misy ndaty raike mateteke tsy magnorike ty torohevetse meagne aze boake amy ty Saontsin’Andrianagnahare ao, le nagnino ro tsy maintsy hentetse o androanavi-pagnahio ty magnitsy aze?

1Ko 5:9, 11, 13; 1Ti 5:20; Tit 3:10

Henteo ka tihoe “Fandroahagne”

 

Va'e ho Tea'o Ka

ANDAO HIANATSE TANTARA AMY BAIBOLY AO

I Namàna Naho i Ajaja Ampela Israelitay

Nisy voka’e soa naho fa nirehake amy ty tompo’e miomba ty hery lahibey anagna i Jehovah ty ajaja israelita raike.

MIOMBA ANAY

Hangatake Hotilihegne

Miharoa midineke miomba ty Baiboly ndra ianaro soa ty miomba ty Vavolombelo i Jehovah.

ANDININ-TENY HOAHY TY FIAIGNANTIKA KRISTIANA

Torohevetse

Tandroy
Torohevetse
https://assetsnffrgf-a.akamaihd.net/assets/ct/1add6d1d93/images/syn_placeholder_sqr.png
scl p. 110-114
HANINTOGNE
Torohevetse
Hanintogne misy sare naho soratse Andinin-teny Hoahy ty Fiaignantika Kristiana