“Maro ty tanora voa ty areten-tsaigne ty amy hinane zao. Agnisa ty mahavy izay o tragnom-porarotse fifandrambesagneo. Tena mila ipaliagne vahaolagne fara izay ty malaky ze raha zay.”​—Dr. Vivek Murthy, U.S. surgeon general, New York Times, tamy 17 Jona 2024.

 Akore ty azo ty rae aman-drene iarovagne ty ana’e amy ty voka-draty o tragnom-porarotse fifandrambesagneo? Magnomey torohevetse azo ampiharegne miomba izay ty Baiboly.

 Dineho ty torolala ty Baiboly retoa:

 “Mandineke ty lia’e ty mahimbagne.”​—Ohabolana 14:15.

 Va’e hisy voka’e raty amo o ajajao ty fampiasagne tragnom-porarotse fifandrambesagne. Toko’e hahimbagne areke o rae aman-dreneo fa tsy ho meméke hagnenga ty ana’e hampiasa aze. Aloha ty hagnenga’o ty ana’o hampiasa o tragnom-porarotse fifandrambesagneo, le anò azo antoke heike tie ho hai’e ty hifehe ty fotoagne ampiasa’e aze, ty mifily ty ndaty hifandrambesa’e ao vaho ty raha ho hentea’e.

•   Naho mipay fagnazavagne fagnampe’e rehe, le vakio ty lahatsoratse tihoe “Tokony Hampiasa Tambazotran-tserasera ve ny Zanako?” naho tihoe “Ampianaro ny Zanakao mba ho Voaro Rehefa Mampiasa Tambazotran-tserasera.”

 “Mahaia magnararaotse fotoagne.”​—Efesianina 5:16.

 Naho henga’o hampiasa tragnom-porarotse fifandrambesagne ty ana’o, le mametraha fitsipike miomba ty fampiasa’e aze. Hazavao ama’e ka fa mba ho fiarovagne aze ty anto i fitsipike rey. Vata’e vaho tsapa’o tie manomboke misy voka’e amy i ana’oy ty fampiasa’e o tragnom-porarotse fifandrambesagneo, le avy le fetrao ty fotoagne ampiasa’e aze.

•   Ampiasao ty video saresare tihoe Mba Mahirata Naho fa Mampiasa Internet mba hagnampeagne ty ana’o hahatakatse fa raha tena lahibey ty fameragne ty fotoagne ampiasagne o tragnom-porarotseo.

 Rehafe ty Baiboly fa miaigne amy ty “fotoan-tsarotse tsy mora atrehegne” tikagne ty amy izao.” (2 Timoty 3:1-5) Faie ndra tie eo zay, le magnomey torohevetse azo ampiharegne magnampe antika hiatreke izay ty Baiboly. Misy lahatsoratse ara-baiboly mihoatse ty 20 hagnampe ty rae aman-drene naho ty ajaja ty amy ty lahatsoratse natao hoahy ty tanora voa ty areten-tsaigne.