కీర్తనలు 32:1-11
దావీదు కీర్తన. మాస్కిల్‌.*
32 తన అపరాధం, పాపం క్షమించబడిన* వ్యక్తి సంతోషంగా ఉంటాడు.+
2 యెహోవా అపరాధిగా ఎంచని వ్యక్తి,
మనసులో కపటంలేని వ్యక్తి సంతోషంగా ఉంటాడు.+
3 నేను మౌనంగా ఉన్నప్పుడు, రోజంతా నా మూల్గుల వల్ల నా ఎముకలు క్షీణించాయి.+
4 ఎందుకంటే, రాత్రింబగళ్లు నీ చెయ్యి నా మీద భారంగా ఉంది.+
వేసవికాలం వేడికి నీళ్లు ఆవిరైనట్టు నా శక్తి ఆవిరైపోయింది.* (సెలా)
5 చివరికి నేను, నా పాపాన్ని నీ దగ్గర ఒప్పుకున్నాను;నా తప్పును దాచిపెట్టలేదు.+
“నా అపరాధాల్ని యెహోవా దగ్గర ఒప్పుకుంటాను” అని అనుకున్నాను.+
నువ్వు నా తప్పును, నా పాపాల్ని క్షమించావు.+ (సెలా)
6 అందుకే నిన్ను సమీపించే అవకాశం ఉన్నప్పుడే+విశ్వసనీయులైన ప్రతీ ఒక్కరు నీకు ప్రార్థిస్తారు.+
అప్పుడు వరద నీళ్లు కూడా వాళ్ల దగ్గరికి రావు.
7 నేను దాక్కునే స్థలం నువ్వు;నువ్వు నన్ను కష్టాల నుండి కాపాడతావు.+
నా చుట్టూ విడుదల సంబరాలు ఉండేలా చేస్తావు.+ (సెలా)
8 నువ్వు ఇలా అన్నావు: “నేను నీకు లోతైన అవగాహనను ఇస్తాను,
నువ్వు నడవాల్సిన మార్గాన్ని నీకు ఉపదేశిస్తాను.+
నీ మీద దృష్టి ఉంచి నీకు సలహా చెప్తాను.+
9 అవగాహన లేని గుర్రంలా, కంచర గాడిదలా అవ్వకు,+అవి నీ దగ్గరికి రావాలంటేముందుగా వాటిని కళ్లెంతో గానీ తాడుతో గానీ అదుపు చేయాలి.”
10 దుష్టులకు ఎన్నో వేదనలు;కానీ యెహోవా మీద నమ్మకముంచేవాళ్లకు ఆయన విశ్వసనీయ ప్రేమ తోడుంటుంది.+
11 నీతిమంతులారా, యెహోవాను బట్టి ఉల్లసించండి, ఆనందించండి;నిజాయితీగల హృదయం ఉన్నవాళ్లారా, మీరందరూ ఆనందంతో కేకలు వేయండి.
