ብሰንኪ ኣብ ዓለም ዘሎ ህውከት፡ ጭንቀት ይውስኽ እዩ ዘሎ። በዚ ኸምዚ፡ ብዙሓት ሰባት ምስ ካልኦት ዘለዎም ርክብ ምዕቃብ ይኸብዶም እዩ።

• ሰባት ካብ ፈተውቶም ርእሶም የግልሉ።

• ሰብ ሓዳር ንሓድሕዶም ምቅዳዉ ይኸብዶም።

• ወለዲ ንጭንቀት ደቆም ዕሽሽ ይብልዎ፡ ወይ ፈጺሞም ኣየቕልብሉን።

• ዕርክነት ንኣካላውን ንስምዒታውን ጥዕናኻ ኣዝዩ ኣገዳሲ እዩ፣ ብፍላይ ድማ ኣብ ኣጸጋሚ ግዝያት።

• ኣብዛ ዓለም ዘሎ ህውከት ዜስዕቦ ጭንቀት፡ ኣብ ናብራ ስድራ ቤትካ ዘይተጸበኻዮ ፈተና ኼምጽኣልካ ይኽእል እዩ።

• ዚርብሽ ዜናታት ንደቅኻ ኻብቲ እትሓስቦ ንላዕሊ ኺጸልዎም ይኽእል እዩ።

መጽሓፍ ቅዱስ ከምዚ ይብል፦ “ናይ ሓቂ ፈታዊ፡ ኵሉ ግዜ የፍቅር፣ ንግዜ ጭንቂ እተወልደ ሓው ድማ እዩ።”—ምሳሌ 17:17።

ብዛዕባ ኺሕግዘካን ግብራዊ ሓሳባት ኪህበካን ዚኽእል ሰብ ሕሰብ። መዓልታዊ ጸገማት ኬጋጥመካ ኸሎ፡ ዚሓልየልካ ሰብ ከም ዘሎ ምፍላጥካ ነቲ ጸገም ክትጻወሮ ኼሐይለካ ይኽእል እዩ።