Mo Nomsoor, M Nenge a Nomsoor Ugen Doom Ishima Nahan Tese Ér M Yaven a Nomsoo? Shin Mo Kwase, M Nenge a Kwase Ugen Doom Ishima Nahan Tese Ér M Yaven a Kasevaa?
Ka nahan ga cii!
Kwagh u a lu u mimi yô: ashighe kpishi isharen i nomsoor doon nomsoor ugen shima, shin kwase doon kwase ugen ishima la, i ngôôr karen kera ga.
Ka kwagh u Lisette, wankwase ugen u lun anyom 16, u yange wankwase ugen doo un shima la kpa, nenge je la. A kaa ér: “M hen ken makeranta mer shighe u kwase nan lu hian a hia yô, asaren ka a kenden nan kpishi je. M hen mer, agumaior kpishi vea fe er iyol ve i eren tom yô, ma ve fe er isharen i nomsoor doon nomsoor ishima, shin kwase doon kwase ishima la i ngôôr karen kera ga yô. Shi ma ve luun a isharen i nomsoor yaven a nomsoor shin kwase yaven a kwase la ga.”
Agumaior cii nga tagher a kwagh u i gbe u aa tsua yô—gba u vea tsua u dondo mhen u hôngorough u tar ne u lu a mi sha kwagh u yav a or la, shin vea tsua u dondon atindi a Mkaanem ma Aôndo ma we sha kwagh u aeren a wang la
Kpa aluer dooshima wou ne kar iaven di ye? Ka shami ga u Aôndo kaan a imbaor la ér nana nyagh ieren i nomsoor yaven a nomsoor shin kwase yaven a kwase laa?
Aluer u na mlumun sha mpin u masetyô ne wer een yô, fa wer, we kpa u ngu a mhen u umaace ve lu a mi ér gba u hanma or nana kure nyityô isharen i yaven a or, i i kende nan cii la. Bibilo na uumace icivir sha u pasen ve ér mba a tahav mbu kighir isharen i yaven a or i kpeegh i i kende ken a ve la.—Mbakolose 3:5.
Tindi u Bibilo i we la ngu sha inja. I wa mba lun a isharen i yaven a nomso man mba lun a isharen i yaven a kasev cii tindi môm ér, “Yevese nen idya.” (1 Mbakorinte 6:18) Jighilii yô, ior umiliôn imôngo mba ve lu a isharen i eren idya la je kpa, mba i sar ve u dondon atindi a Bibilo yô, ve kôrcio u kôron ayol a ve tsaha sha kwagh ne, shighe u ve tagher a nyityô imeen je kpaa. Nomso mba ve lu a isharen i yaven a nomso mbagenev, shin kasev mba ve lu a isharen i yaven a kasev mbagenev la kpa vea fatyô u eren nahan, aluer ve soo u eren ishima i Aôndo sha mimi yô.—Duteronomi 30:19.
Kwagh Ugen u Alaghga Shi Una Doo U Yô
MBAMPIN MBA BIBILO I NE MLUMUN SHA MI LA
Bibilo Ôr Kwagh sha Kwagh u Nomso Vôson Nomso Shin Kasev Vôson Kasev Laa?
Or u a ver kwagh u ivesegh la una hemba fan mzough u una va or a msaanyol shi una tsa gbem la.
MBAMPIN MBA AGUMAIOR A PIN LA
Ieren i Nomsoor Yaven a Nomsoor shin Kwase Yaven a Kwase la Ka Kwaghbo?
Bibilo tese ér nomso mba ve yaven a nomso shin kasev mba ve yaven a kasev la ka ior mba dedoo gaa? Orkristu u nomso ve doon nan ishima shin kwase Kristu u kasev mbagenev ve doon nan ishima nana fatyô u civir Aôndo sha mimi?
IKYATAKERADA I HENEN KWAGH A MI SHA CI U AGUMAIOR
U Pase Kwagh u Bibilo I̱ Tese sha Ieren i Nomso Yaven a Nomso shin Kasev Yaven a Kasev la Nena?
Ashighe agen ka i taver u lamen a ior sha atineakaa a ior ve gbe anyiman sha mi kpishi yô. Kpa kwatakerada u henen kwagh a mi ne ua wase u nan mbamlumun sha mbampin mba ior kpishi ve pinen la sha kwaghfan.
