Matta 28:19, 20-nji aýatlarda Isa Ýehowanyň Şaýady bolmak üçin nähili ädimleri ätmelidigini belläp geçdi. Bu aýatlarda Mesihiň şägirdi bolmak we Ýehowa barada şaýatlyk etmek isleýän adamyň näme etmelidigi aýdylýar.

 1-nji ädim: Mukaddes Kitabyň taglymatlaryny öwrenmek. Isa şägirtlerine: «Ähli halklardan şägirt taýýarlaň... we öwrediň» diýdi (Matta 28:19, 20). «Şägirt» diýip terjime edilen söz göni manyda «bir zady öwrenýän» ýa-da «okuwçy» diýmegi aňladýar. Mukaddes Kitapda gürrüň berilýän zatlar, esasan-da, Isa Mesihiň öwreden taglymatlary bagtly we manyly ýaşamaga kömek edýär (2 Timoteos 3:16, 17). Biz size mugtuna Mukaddes Kitap okuwy arkaly Ýazgylaryň taglymatlaryny höwes bilen öwretmäge hemişe taýýar (Matta 10:7, 8; 1 Selanikliler 2:13).

 2-nji ädim: Öwrenen zatlaryňy durmuşda ulanmak. Isa şägirdi bolmak isleýän adamlara «ähli tabşyran zatlaryny berjaý etmelidigini» aýtdy (Matta 28:20). Bu Mukaddes Kitaby ýöne bir öwrenmekden has köp zady aňladýar. Öwrenýän zatlarymyz pikirimizi we özümizi alyp barşymyzy düýpgöter özgertmäge höweslendirmeli (Resullar 10:42; Efesliler 4:22—29; Ýewreýler 10:24, 25). Isanyň tabşyryklaryny berjaý edýän adamlar onuň yzyna eýerip, özlerini Ýehowa Hudaýa bagyş etmek kararyna özbaşdak gelýärler (Matta 16:24).

 3-nji ädim: Suwa çümdürilmek. (Matta 28:19). Adam suwa çümdürilende, onuň bedeni doly suwa çümdürilip çykarylýar; ol hamala öňki durmuşy üçin ölüp, täze ýaşaýyş üçin gaýtadan direlen ýaly bolýar. Muny adamyň jaýlanyşy bilen deňeşdirse bolar (Rimliler 6:2—4). Siz suwa çümdürilip, Isanyň aýdan ilkinji iki ädimini ädendigiňizi we Hudaýdan arassa ynsap soraýandygyňyzy görkezýärsiňiz (Ýewreýler 9:14; 1 Petrus 3:21).

 Munuň üçin ýygnak ýaşululary bilen gepleşiň. Olar siziň Mukaddes Kitabyň taglymatlaryna düşünip, olara eýerýändigiňize we özüňizi Hudaýa meýletin bagyş edýändigiňize göz ýetirerler (Resullar 20:28; 1 Petrus 5:1—3).

 Hawa. Ýehowanyň Şaýatlary Mukaddes Kitapda aýdylyşy ýaly, çagalaryny «Ýehowanyň terbiýesi hem öwüt-ündewi bilen ulaltmaga» jan edýärler (Efesliler 6:4). Emma çagalar ulaldygyça, suwa çümdürilmezden öň, Mukaddes Kitabyň taglymatlaryny öwrenip, olary durmuşynda ulanmalydygyny özleri çözmeli (Rimliler 12:2). Aslynda, Hudaýa sežde etmelimi ýa-da etmeli däldigini her kimiň özi çözýär (Rimliler 14:12; Galatýalylar 6:5).