Birinji Korinfliler 10:1—33
10 Doganlar, siziň şuny bilmegiňizi isleýärin: ata-babalarymyz buludyň aşagynda ýörediler+ we deňziň içinden geçdiler+.
2 Olar Musanyň yzyna eýerip, bulut we deňiz arkaly suwa çümdürildiler.
3 Olaryň hemmesine bir ruhy iýmit+ we
4 bir ruhy suw berildi+. Olar yzyndan gelýän ruhy gaýanyň suwuny içdiler. Ol gaýa Mesihdir+.
5 Emma Hudaýy razy etmedikler çölde gyryldy+.
6 Ata-babalarymyz bilen bolan waka bize sapak boldy. Şonuň üçin ata-babalarymyz ýaly erbet zatlary islemäliň+.
7 Olaryň käbiri ýaly butparaz bolmalyň. Töwratda aýdylyşy ýaly: «Adamlar oturyp iýip içdiler, yzyndan bolsa turup, şadyhorramlyk edip başladylar»+.
8 Olaryň käbiri ýaly ahlaksyzlyk* etmäliň, sebäbi ahlaksyzlyk* edip, bir günde 23 000 adam öldi+.
9 Olaryň käbiri ýaly Ýehowany* synamalyň+, sebäbi ony synan adamlary ýylan çakyp öldürdi+.
10 Olaryň käbiri ýaly hüňürdemäliň+, sebäbi şeýle edenleri perişde ýok etdi+.
11 Ata-babalarymyz bilen bolan wakalardan sapak ediner ýaly, olar bize, şu dünýäniň ahyryna garaşýanlara duýduryş hökmünde ýazylandyr+.
12 Kim berk durun öýtse, seresap bolsun, ýykylaýmasyn+.
13 Siziň başyňyza inen synaglar başgalaryň-da başyna inýändir+. Ýöne Hudaý beren sözünde durup, siziň döz gelip bilmejek synaglaryňyza ýol bermez+. Synagda soňuna çenli çydap biler ýaly çykalga-da açar+.
14 Eziz doganlarym, butparazlykdan gaçyň+.
15 Siziň düşünjeli bolanyňyz üçin aýdýaryn, meniň aýdýanlarym hakda oýlanyň.
16 Eýsem bereket berýän käsäni alyp Hudaýa şükür edenimizde, Mesihiň ganyna şärik bolmaýarysmy?+ Çöregi bölenimizde, Mesihiň bedenine şärik bolmaýarysmy?+
17 Çörek birdir, biziň ählimiz hem bir bedendiris+ we bir çörekden iýýändiris.
18 Ysraýyl halky hakda oýlanyň. Berlen sadakalardan iýýänler gurbanlyk ojagyndaky* zatlara şärik bolmaýarmy?+
19 Eýsem men buta berlen sadakany ýa-da buty wajyp hasaplaýarynmy?
20 Ýok! Adamlar sadakany Hudaýa däl-de, jynlara berýärler+. Men bolsa siziň jynlary goldamagyňyzy islemeýärin+.
21 Siz hem Ýehowanyň* käsesinden, hem jynlaryň käsesinden içip bilmersiňiz, hem «Ýehowanyň* saçagyndan»+, hem jynlaryň saçagyndan iýip bilmersiňiz.
22 Ýa-da «biz Ýehowany* gabandyrarysmy»?+ Biz ondan güýçlümi?
23 Bize hemme zat rugsat edilýändir, ýöne hemme zat peýdaly däldir. Hemme zat rugsat edilýändir, ýöne hemme zat ruhy taýdan berkidýän däldir+.
24 Goý, her kim öz peýdasyny däl-de, başgalaryň peýdasyny gözlesin+.
25 Bazarda satylýan eti arkaýyn satyn alyň, soraşdyrman, arassa ynsap bilen iýiň.
26 Sebäbi «ýer we ondaky ähli zatlar Ýehowanyňkydyr*»+.
27 Eger iman etmeýän adam sizi myhmançylyga çagyrsa, siz hem barsaňyz, öňüňizde näme goýulsa, soraman, arassa ynsap bilen iýiň.
28 Emma biri: «Ol butlara gurbanlyk berlen et» diýse, onda şol aýdan adamy büdretmez ýaly we başgalaryň ynsaby ezýet bermez ýaly etden iýmäň+.
29 Men siziň ynsabyňyzy däl-de, ol adamyň ynsabyny göz öňünde tutýaryn. Islän zadymy etmäge hakym bolsa-da, başga adamyň ynsabynyň meni günäkärlemegini islemeýärin+.
30 Men şol eti Hudaýa şükür edip iýsem-de+, başgalary büdretsem dogry bolarmy?
31 Siz iýseňiz-de, içseňiz-de, näme etseňiz-de ählisini Hudaýy şöhratlandyrmak üçin ediň+.
32 Ýehudylaryň, grekleriň we Hudaýyň ýygnagynyň büdremegine sebäp bolmaň+.
33 Men diňe öz peýdamy däl+, köp adamlaryň peýdasyny gözleýärin, ähli zatda göwnünden turmaga çalyşýaryn, sebäbi olaryň halas bolmagyny isleýärin+.
