Eýýup 38:1—41
38 Soňra Ýehowa harasadyň içinden+ Eýýuba şeýle diýdi:
2 «Akylsyzlyk bilen gepläp,Sözlerimi* ýoýýan kim?+
3 Indi erkek ýaly biliňi berk guşa!Men sorag berjek, senem jogap ber.
4 Ýeriň düýbüni tutanymda+, sen niredediň?
Bilýän bolsaň, aýt hany!
5 Bilýäňmi, onuň ölçegini kim berdi?Daşyna ölçeg ýüpüni kim çekdi?
6 Ýeriň sütünleri nämä berkidildi?Düýp daşyny* kim goýdy?+
7 Daň ýyldyzlary+ bilelikde şatlandy,Perişdeler*+ joşup alkyş aýtdy.Şonda sen niredediň?
8 Deňiz joşup çäginden*+ çykanda,Öňüne kim böwet goýdy?
9 Deňzi bulutlar bilen,Tüm-garaňkylyk bilen örtdüm.
10 Deňze çäk çekdim+,Gapy goýup gulpladym.
11 „Şu ýere çenli gelip, mundan aňry geçme;Äpet tolkunlaryň şu ýerde togtasyn“+ diýdim.Şonda sen niredediň?
12 Sähere buýruk berip gördüňmi?Daň şapagyna+ ýerini görkezdiňmi?
13 Oňa ýer ýüzüne aýlanmagy,Erbetleri kowup çykarmagy tabşyrdyňmy?+
14 Möhür basylan toýun deý, ýer ýüzi özgerýär,Nagyşly köýnek geýen ýaly owadanlaşýar.
15 Erbetleriň yşygy elinden alynýar,Ýokary galdyran gollary döwülýär.
16 Deňziň gözbaşyna baryp gördüňmi?Düýbüni barlap gördüňmi?+
17 Ölümiň gapylaryny tapdyňmy?+Tümlügiň* derwezelerini gördüňmi?+
18 Ägirt uly ýer ýüzüne akyl ýetirdiňmi?+
Bularyň baryny bilýän bolsaň, aýt hany!
19 Ýagtylygyň mekany nirede?+
Garaňkylygyň mesgeni nirede?
20 Olary öz mekanyna eltip bilermiň?Öýüne barýan ýoly görkezip bilermiň?
21 Sen şol döwür dünýä indiňmi?Şeýle zatlary biler ýaly, uzak ömür sürdüňmi?
22 Garyň ammarlaryna girdiňmi?+Jöwenegiň* ammarlaryny gördüňmi?+
23 Men olary betbagtçylyk gününe,Uruş we söweş gününe saklaýaryn+.
24 Ýagtylyk* haýsy tarapdan çykýar?Gündogar ýeli nireden öwüsýär?+
25 Sil akar ýaly ýap çeken kim?Gara buluda ýol çeken kim?+
26 Ynsanyň aýak basmadyk ýerine,Janly-jemendesiz çöllere kim ýagyş ýagdyrýar?+
27 Gurap ýatan topragy gandyryp,Gök otlary kim ösdürýär?+
28 Ýagşyň atasy barmy?+Çygyň kakasy kim?+
29 Buzuň ejesi kim?Gyrawy kim dünýä indirdi?+
30 Suwuň ýüzi doňup gataýar,Deňziň ýüzi daş ýaly bolýar+.
31 Ülker ýyldyzyň* zynjyryny baglap bilermiň?Üç Ýyldyzyň*+ bagyny çözüp bilermiň?
32 Ýyldyzlar toparyny* öz wagtynda çykaryp bilermiň?Uly Ýedigene*, ogullaryna ýol görkezip bilermiň?
33 Asmanyň kanunlaryny bilýärmiň?+Ýerde olaryň* hökümini ýöredip bilermiň?
34 Çabga ýagsyn diýip,Bulutlara buýruk berip bilermiň?+
35 Ýyldyrym çakdyryp bilermiň?
Olar gelip: „Hyzmatyňa taýyn!“ diýerlermi?
36 Bulutlara* akyldarlygy+,Asmana* düşünjäni kim berdi?+
37 Bulutlary sanap bilýän akyldar barmy?Asmanyň suwly küýzelerini kim döküp biler?+
38 Şonda toprak batga öwrüler,Kesekler palçyga döner.
39 Ýolbars üçin aw awlap bilermiň?Arslanlaryň garnyny doýrup bilermiň?+
40 Olar mekanynda ýatýarlar,Bukuda peýläp ýatýarlar.
41 Garganyň balalary açlykdan urnup,Hudaýa perýat edende,Kim olary iýmitlendirýär?+
Çykgytlar
^ Ýa-da: Maslahatymy; nesihatymy.
^ Sözme-söz: Hudaýyň ogullary.
^ Sözme-söz: ýatgydan.
^ Ýa-da: Ölüm kölegesiniň.
^ Ýa-da: Dolynyň; buzuň.
^ Başga manysy: Ýyldyrym.
^ Sözme-söz: Kimanyň.
^ Sözme-söz: Kesiliň.
^ Sözme-söz: As.
^ Başga manysy: Hudaýyň.
^ Başga manysy: Ynsana.
^ Başga manysy: Onuň aňyna.
