E leamai te Tusi Paia:” Auā o ē ua ola ua latou iloa e oti i latou; a o ē ua oti, latou te lē iloa se mea.” (Failauga 9:5; Salamo 146:4)

“E te toe foʻi atu lava i le efuefu”

Kua fakamatala mai e te Atua te mea e tupu ki a te ki tatou kafai e feoti e tuha ai ma tana tala ki te uluai tagata, ko Atamu. Auā ko te hē uhitaki o Atamu, na fetalai atu ai te Atua ki a te ia: “Auā o le efuefu oe, e te toe foʻi atu lava i le efuefu”. (Kenese 3:19) I te taimi e heki foafoa ai e te Atua ia Atamu ‘mai i te lefulefu o te kelekele’, e heki iei pe na ola mai ia Atamu. (Kenese 2:7). I te taimi foki na oti ai ia Atamu, na toe foki ki te lefulefu ma hē toe ola ai.

Ko te mea lava tenā e tupu ki na tino kua feoti nei. Leamai te Tusi Paia e fakatatau ki tagata ma manu: “O i latou uma e mai i le efuefu, e toe foʻi atu i latou uma i le efuefu.” -Failauga 3:19,20.

Ko te oti e hē veake ai ko te ikuga ia o mea uma

E mahani fakatuhatuha e te Tusi Paia te oti ki te moe o he tino. (Salamo 13:3; Ioane 11:11-14; Galuega 7:60) Ko he tino e moe mate e hē ia iloa na mea e tutupu i tona hikomaga. I he tulaga talitutuha, e hē iloa foki e te tino kua oti he mea fokotahi. Kae e akoako e te Tusi Paia, e mafai e te Atua ke fafagu mai te tino oti ve lava he tino e moe ma toe foki atu ki ei te ola. (Iopu 14:13-15). Mo ki latou e toe fakatutū mai e te Atua, ko te oti e hē ko te ikuga ia o mea uma.