Mga Kawikaan 9:1-18
9 Ang tunay na karunungan ay nagtayo ng kaniyang bahay;Gumawa* siya ng pitong haligi para dito.
2 Naihanda na niya ang kaniyang karne;*Natimplahan na niya ang kaniyang alak;Naayos na rin niya ang kaniyang mesa.
3 Inutusan niya ang mga lingkod niyang babaeNa pumunta sa mataas na lugar ng lunsod para magtawag:+
4 “Pumunta rito ang sinumang walang karanasan.”
Sinasabi niya sa kulang sa unawa:*
5 “Halika, kumain ka ng tinapay koAt uminom ka ng tinimplahan kong alak.
6 Iwanan mo ang pagiging walang karanasan* at patuloy kang mabubuhay;+Lumakad ka nang may unawa.”+
7 Kahihiyan ang naghihintay sa nagtutuwid sa manunuya,+At masasaktan lang ang sumasaway sa masamang tao.
8 Huwag mong sawayin ang manunuya dahil magagalit lang siya sa iyo.+
Sawayin mo ang marunong, at mamahalin ka niya.+
9 Turuan mo ang marunong, at magiging mas marunong pa siya.+
Turuan mo ang matuwid, at lalago ang kaalaman niya.
10 Ang pagkatakot kay Jehova ang pasimula ng karunungan,+At ang kaalaman tungkol sa Kabanal-banalan+ ay nagbibigay ng unawa.
11 Dahil sa akin, darami ang mga araw mo+At madaragdagan ang mga taon ng buhay mo.
12 Kung magiging marunong ka, ikaw rin ang makikinabang,Pero kung manunuya ka, ikaw lang ang magdurusa.
13 Ang babaeng mangmang ay maingay.+
Ignorante siya at walang kaalam-alam.
14 Umuupo siya sa pasukan ng bahay niya,Na nasa mataas na lugar ng lunsod;+
15 Tinatawag niya ang mga dumadaan,Ang mga may kani-kaniyang pupuntahan:
16 “Pumunta rito ang sinumang walang karanasan.”
Sinasabi niya sa mga kulang sa unawa:*+
17 “Matamis ang nakaw na tubig,At masarap ang pagkaing palihim na kinain.”+
18 Pero hindi nila alam na mga patay ang nasa bahay niya,Na ang mga bisita niya ay nasa kailaliman na ng Libingan.*+
Talababa
^ O “Tumabas.”
^ Lit., “Nakatay na niya ang kakatayin niya.”
^ Lit., “kapos ang puso.”
^ O “ang mga walang karanasan.”
^ Lit., “kapos ang puso.”