A lo Dumela mo go Jesu?
Ee. Re dumela mo go Jesu yo o ileng a re: “Ke nna tsela le boammaaruri le botshelo. Ga go na ope yo o tlang kwa go Rara fa e se ka nna.” (Johane 14:6) Re dumela gore Jesu o ne a tla mo lefatsheng a tswa legodimong mme a ntsha botshelo jwa gagwe jo bo itekanetseng go nna setlhabelo go re rekolola. (Mathaio 20:28) Loso lwa gagwe le tsogo di dira gore go kgonege gore batho ba ba dumelang mo go ene ba bone botshelo jo bo sa khutleng. (Johane 3:16) Gape re dumela gore Jesu o a busa gone jaanong e le Kgosi ya Bogosi jwa Modimo jwa kwa legodimong, jo bo tla tlogang bo tlisa kagiso mo lefatsheng lotlhe. (Tshenolo 11:15) Le fa go ntse jalo, re dumela mafoko a ga Jesu fa a ne a re: “Rara o mogolo bogolo go nna.” (Johane 14:28) Ka jalo ga re obamele Jesu ka gonne ga re dumele gore ke Modimo Mothatayotlhe.
Tse Dingwe Tse O ka Di Kgatlhegelang
DIPOTSO TSE GANTSI DI BODIWANG
A Basupi ba ga Jehofa ke Bakeresete?
Tsweetswee sekaseka kafa re farologanang ka teng le ditlhopha tse dingwe tsa bodumedi tse di bidiwang tsa Bokeresete.
DIKARABO TSA DIPOTSO TSA BAEBELE
A Jesu ke Modimo Mothatayotlhe?
Jesu o ne a reng ka maemo a gagwe fa a bapisiwa le Modimo?
DITHUTO TSA BOTLHOKWA TSA BAEBELE
Goreng Jesu a Ile a Swa?
Loso lwa ga Jesu Keresete lo botlhokwa thata. A o ne a tlhoka go swa?
KA GA RONA
Kopa Thuto ya Baebele ya Mahala
Tlotlang ka potso nngwe ya Baebele kgotsa ithute mo go oketsegileng ka Basupi ba ga Jehofa.