Dipesalema 26:1-12
Pesalema ya ga Dafide.
26 Nkatlhole tlhe Jehofa, ka gonne ke ne ka dira ka natla gore ke nne ke ikanyega;+Ke ikantse Jehofa ke sa reketle.+
2 Ntlhatlhobe tlhe Jehofa, mme o nteke;Itshekise dikakanyo tsa me tse di kwa tengteng* le pelo ya me.+
3 Gonne lorato lwa gago lo lo sa kgaotseng lo fa pele ga me ka metlha,E bile ke tsamaya mo boammaaruring jwa gago.+
4 Ga ke tsalane* le batho ba ba tsietsang,+E bile ga ke tlwaelane le batho ba ba fitlhang se ba leng sone.*
5 Ke tlhoile go ikamanya le batho ba ba bosula,+E bile ke gana go tsalana* le badirabosula.+
6 Ke tla tlhapa diatla tsa me e le go bontsha gore ga ke na molato,Mme ke tla dikologa sebeso sa gago Jehofa,
7 Gore ke utlwale fa ke ntsha ditebogo+Le gore ke bolele ditiro tsa gago tsotlhe tse di gakgamatsang.
8 Jehofa, ke rata ntlo e o nnang mo go yone,+E leng lefelo le kgalalelo ya gago e nnang mo go lone.+
9 O se ka wa nnyeletsa mmogo le baleofi+Kgotsa wa mpolaya le batho ba ba ratang thubakanyo,*
10 Ba diatla tsa bone di dirang dilo tse di tlhabisang ditlhong,Le ba seatla sa bone sa moja se tletseng pipamolomo.
11 Mme nna, ke tla dira ka natla gore ke nne ke ikanyega.
Nkgolole* o bo o nkutlwele botlhoko.
12 Lonao lwa me lo eme mo lefelong le le sireletsegileng;+Ke tla baka Jehofa mo phuthegong e kgolo.+
Dintlha Tse di Kwa Tlase
^ Kgotsa “maikutlo a me a a kwa teng thata.” Seheb., “diphilo tsa me.”
^ Seheb., “nne.”
^ Kgotsa “ga ke ikamanye le baitimokanyi.”
^ Seheb., “go nna.”
^ Kgotsa “batho ba ba tshololang madi.”
^ Seheb., “Nthekolole.”
