Efangele ya ga Mathaio 1:1-25
1 Buka e e buang ka botshelo jwa* ga Jesu Keresete,* morwa Dafide,+ morwa Aborahame:+
2 Aborahame o ne a nna rraagwe Isake;+Isake o ne a nna rraagwe Jakobe;+Jakobe o ne a nna rraagwe Juda+ le bomorwarraagwe;
3 Juda o ne a nna rraagwe Perese le Sera+ ka Tamare;Perese o ne a nna rraagwe Heserone;+Heserone o ne a nna rraagwe Rame;+
4 Rame o ne a nna rraagwe Aminadabe;Aminadabe o ne a nna rraagwe Nashone;+Nashone o ne a nna rraagwe Salamone;
5 Salamone o ne a nna rraagwe Boase ka Rahabe;+Boase o ne a nna rraagwe Obede ka Ruthe;+Obede o ne a nna rraagwe Jese;+
6 Jese o ne a nna rraagwe Kgosi Dafide.+
Dafide o ne a nna rraagwe Solomone+ ka mosadi wa ga Uria;
7 Solomone o ne a nna rraagwe Rehoboame;+Rehoboame o ne a nna rraagwe Abija;Abija o ne a nna rraagwe Asa;+
8 Asa o ne a nna rraagwe Jehoshafate;+Jehoshafate o ne a nna rraagwe Jehorame;+Jehorame o ne a nna rraagwe Usia;
9 Usia o ne a nna rraagwe Jothame;+Jothame o ne a nna rraagwe Ahase;+Ahase o ne a nna rraagwe Hesekia;+
10 Hesekia o ne a nna rraagwe Manase;+Manase o ne a nna rraagwe Amone;+Amone o ne a nna rraagwe Josia;+
11 Josia+ o ne a nna rraagwe Jekonia+ le bomorwarraagwe ka nako ya fa Bajuda ba ne ba isiwa botshwarwa kwa Babelona.+
12 Fa ba le kwa Babelona, Jekonia o ne a nna rraagwe Shealatiele;Shealatiele o ne a nna rraagwe Serubabele;+
13 Serubabele o ne a nna rraagwe Abiude;Abiude o ne a nna rraagwe Eliakime;Eliakime o ne a nna rraagwe Asore;
14 Asore o ne a nna rraagwe Sadoke;Sadoke o ne a nna rraagwe Akime;Akime o ne a nna rraagwe Eliude;
15 Eliude o ne a nna rraagwe Eliasare;Eliasare o ne a nna rraagwe Mathane;Mathane o ne a nna rraagwe Jakobe;
16 Jakobe o ne a nna rraagwe Josefa monna wa ga Marea, yo o neng a tshola Jesu,+ yo o bidiwang Keresete.+
17 Ka jalo, dikokomana tsotlhe go simologa ka Aborahame go fitlha ka Dafide e ne e le dikokomana di le 14; go simologa ka Dafide go fitlha ka nako ya fa Bajuda ba ne ba isiwa botshwarwa kwa Babelona e ne e le dikokomana di le 14; go simologa ka nako ya fa ba ne ba isiwa botshwarwa kwa Babelona go fitlha ka nako ya ga Keresete e ne e le dikokomana di le 14.
18 Seno ke se se diragetseng pele Jesu Keresete a tsholwa: Mo nakong ya fa mmaagwe e bong Marea a ne a solofeditswe lenyalo ke Josefa, moya o o boitshepo*+ o ne wa dira gore a ime pele ga ba nyalana.
19 Le fa go ntse jalo, e re ka monna wa gagwe e bong Josefa a ne a siame e bile a sa batle go mo tlhabisa ditlhong, o ne a ikaelela go mo tlhala mo sephiring.+
20 Mme gone, fa a sena go akanya thata ka dilo tseno, moengele wa ga Jehofa* o ne a iponatsa kwa go ene mo torong a re: “Josefa, morwa Dafide, o se ka wa tshaba go isa mosadi wa gago e bong Marea kwa gae, ka gonne moya o o boitshepo ke one o dirileng gore a ime.+
21 Mosadi yono o tla tshola ngwana wa mosimane, mme wena o mmitse Jesu,*+ ka gonne o tla golola batho ba gagabo mo maleong a bone.”+
22 Tota dilo tseno tsotlhe di ne tsa diragala e le go diragatsa se Jehofa* a neng a se buile ka moporofeti wa gagwe, a re:
23 “Kgarebane e tla ima mme e tla tshola ngwana wa mosimane, mme ba tla mmitsa Imanuele.”+ Leina leno fa le ranolwa le kaya, “Modimo O na Le Rona.”+
24 Foo Josefa o ne a tsoga mo borokong mme a dira jaaka moengele wa ga Jehofa* a mo laetse, mme o ne a isa mosadi wa gagwe kwa gae.
25 Le fa go ntse jalo, ga a ka a tlhakanela dikobo le ene go fitlha a tshola ngwana yoo wa mosimane,+ mme o ne a mmitsa Jesu.+
Dintlha Tse di Kwa Tlase
^ Kgotsa “Mesia; Motlodiwa.”
^ Kgotsa “ka tatelano ya losika lwa.”
^ Kgotsa “maatla a Modimo.”
^ Leno ke lekgetlo la ntlha mo go a le 237 mo Dikwalong Tsa Bokeresete Tsa Segerika mo leina la Modimo, e bong Jehofa, le tlhagelelang gone mo thanolong eno. Bona Dintlha A5.
^ Leina leno le tsamaisana le leina la Sehebera e bong Jeshua (kgotsa Jehoshua fa le feletse), le le kayang “Jehofa ke Poloko.”
^ Bona Dintlha A5.
^ Bona Dintlha A5.
