April 1-7
DIPESALEMA 23-25
Pina 4 le Thapelo | Matseno (1 mots.)
1. “Jehofa ke Modisa wa me”
(10 mets.)
Jehofa o a re kaela (Ps 23:1-3; w11 5/1 31 ¶3)
Jehofa o a re sireletsa (Ps 23:4; w11 5/1 31 ¶4)
Jehofa o re naya dilo tse re di tlhokang (Ps 23:5; w11 5/1 31 ¶5)
Jehofa o tlhokomela batlhanka ba gagwe fela jaaka modisa yo o molemo a tlhokomela dinku tsa gagwe.
IPOTSE: ‘Jehofa o ile a nthusa jang mo botshelong?’
2. Go Ribolola Matlotlo mo Dikwalong
(10 mets.)
Ps 23:3—‘Ditselana tsa tshiamo’ ke eng mme ke eng se se ka re thusang gore re se ka ra tswa mo go tsone? (w11 2/15 24 ¶1-3)
Mo mmalong wa Baebele wa beke eno, ke dintlha dife tse o ka ratang go tlotla ka tsone?
3. Mmalo wa Baebele
(4 mets.) Ps 23:1–24:10 (th thuto 5)
4. Fa o Kopana le Motho Lekgetlo la Ntlha
(3 mets.) GO RERA O SE MO BODIREDING. Motho yo o tlotlang le ene o tshwenyegile ka dilo tse di diregang mo tikologong ya lona, mmontshe temana e e tla mo kgothatsang. (lmd thuto 2 ntlha 5)
5. Fa o Dira Maeto a go Boela
(4 mets.) GO RERA KA NTLO LE NTLO. Bontsha mongwe yo o amogetseng boroutšhara jwa Itumelele go Tshelela Ruri! gore thuto ya Baebele e tshwarwa jang. (lmd thuto 9 ntlha 3)
6. Fa o Dira Barutwa
(5 mets.) lff thuto 14 ntlha 4 (lmd thuto 11 ntlha 3)
Pina 54
7. Ga re Reetse Mantswe a Batho Ba re Sa ba Itseng
(15 mets. ) Motlotlo.
Dinku di itse lentswe la modisa wa tsone e bile di mo sala morago. Mme fa di bidiwa ke motho yo e seng modisa wa tsone, di a sia. (Joh 10:5) Ka tsela e e tshwanang, le rona re reetsa fela mantswe a badisa ba ba re ratang le ba re ba tshepang e leng Jehofa le Jesu. (Ps 23:1; Joh 10:11) Mme re gana go reetsa mantswe a batho ba re sa ba itseng ba ba lekang go koafatsa tumelo ya rona ka go re “tsietsa ka maaka.”—2Pe 2:1, 3.
Genesise kgaolo ya boraro e re bolelela ka nako ya fa Efa a ne a utlwa lentswe la motho yo a neng a sa mo itse. Satane o ile a tsietsa Efa ka go sa mmolelele gore ke ene mang. O ile a itira e kete ke tsala ya ga Efa a bo a bua maaka ka se Jehofa a se buileng le ka maikaelelo a gagwe. Se se utlwisang botlhoko ke gore Efa o ile a mo reetsa mme seo se ile sa dira gore ene le lelapa la gagwe ba nne le ditlamorago tse di utlwisang botlhoko.
Gompieno, Satane o gasamisa tshedimosetso e e seng boammaaruri gore re nne le dipelaelo ka Jehofa le ka phuthego ya gagwe. Fa re utlwa lentswe la motho yo re sa mo itseng, re tshwanetse go tlhanola direthe! Go kotsi go reetsa mantswe a re sa a itseng le fa e ka nna ka nakwana fela. Satane o ile a bua go lo go kae gore a kgone go tsietsa Efa? (Ge 3:1, 4, 5) Jaanong re tshwanetse go dira eng fa mongwe yo re mo itseng e bile a re rata a batla go re bontsha tshedimosetso e e seng boammaaruri ka phuthego ya ga Jehofa?
Tshameka BIDIO ya Gana go Reetsa Lentswe la Batho Ba o Sa ba Itseng. Go tswa foo, botsa bareetsi potso e e latelang:
O ithutile eng mo go se Masentle a ileng a se dira fa mmaagwe yo e seng Mosupi a ne a batla go mmontsha tshedimosetso e e seng boammaaruri ka phuthego ya ga Jehofa?
8. Thuto ya Baebele ya Phuthego
(30 mets.) bt kgao. 8 ser. 1-4 le lebokoso le le mo ts. 61-62
