Mei he mōmeniti ko ia naʻe huaʻi hifo ai ʻa e laumālie māʻoniʻoní kiate kinautolu ʻi he Penitekosi ʻo e 33 T.S., naʻe femoʻuekina ai ʻa e kau ākonga ʻa Sīsuú ʻi he ngāue ʻa ia ko e faifakamoʻoni fekauʻaki mo e Puleʻanga ʻo e ʻOtuá. ʻI he konga ko ení, te tau lāulea ai ki he lēkooti fakafiefia ʻo hono fanauʻi ʻo e fakatahaʻanga Kalisitiané, ko e tupu kaukaua ʻa e faifakamoʻoni naʻe fai ʻi Selusalemá, pea mo e tuʻu loto-toʻa ʻa e kau ʻapositoló ʻi he uhouhonga ʻo e fakafepaki tuʻu moʻungá.